Аҧсны Аҳәынҭқарра Ахада

 

Ахада аусуратә еилатәара мҩаҧигеит урыстәылатәи аделегациа Аҧсныҟа раара аихшьалақәа инарымаданы

15.03.2022

Ахада аусуратә еилатәара мҩаҧигеит урыстәылатәи аделегациа Аҧсныҟа раара аихшьалақәа инарымаданы

Аԥсны Аҳәынҭқарра Ахада Аслан Бжьаниа аусуратә еилатәара мҩаҧигеит Урыстәыла аекономикатә ҿиара аминистр ихаҭыҧуаҩ Дмитри Вольвач зхадараҿы дыҟаз урыстәылатәи аделегациа Аҧсныҟа раара аихшьалақәа инарымаданы.

Аилатәара иалахәын Ахада ихаҭыҧуаҩ Бадра Гәынба, Ахада Иадминистрациа Анапхгаҩы Алхас Кәыҵниа, уи ихаҭыҧуаҩ Валери Папба, аҧыза-министр Александр Анқәаб, аԥыза-аминистр актәи ихаҭыԥуаҩ Беслан Џьопуа, аԥыза-аминистр ихаҭыԥуаҩ аекономика аминистр Кристина  Озган, аҧыза-министр ихаҭыҧуаҩ, афинансқәа рминистр Владимир Делба, аиҳабыра алахәцәа, Амшынеиқәафымцамчи"  шьаҭанкылатәи аргылара аусбарҭеи рнапхгара.

Аиҳабыра алахәцәа аҳәынҭқарра Ахада изеиҭарҳәеит аилацәажәарақәа реихшьала атәы, иара убас Урыстәылатәи Афедерациа аекономикатә ҿиара аминистрра аделегациеи дареи иаздырхиаз азыӡбақәа ртәы.
Ахада иазгәеиҭеит Урыстәылатәи Афедерациа имҩаҧнаго афинанстә цхыраара  ахархәараеи, Аинвестпрограмма анагӡареи инарымаданы зҵаарақәак.
Аилатәараҟны иазааҭгылан Аинвестпрограмма ҿыц ашьақәыргылара Урыстәылатәи Афедерациа аекономика аҿиара аминистрра алархәны иазырхиаз азнеишьақәа ҳасаб рзуны.
Аҳәынҭқарра ахада аиҳабыра алахәцәа азхьарԥшны далацәажәеит аобиектқәа ирзаужьу афинансқәа ианаамҭоу рхархәара иамоу аҵакы.

Аҧсны Аҳәынҭқарра Ахада Аслан Бжьаниа Москваҟа иусуратә ныҟәарақәа раан ирыдыркылахьаз аӡбамҭақәа инарықәыршәаны, 2023-2025ш.ш. рзы Аҧсны Аҳәынҭқарра Асоциал-економикатә ҿиара ацхырааразы аинвестициатә программа ҿыц иалаҵоуп абиуџьет усхк аҟны зуа руалафахәы ашьҭыхра иазку аусмҩаԥгатәқәа; Аинвестициатә программа аҳәаақәа ирҭагӡаны абиуџьеттә инвестициақәеи аинвестициатә усура ацхыраара аҭареи; анаплакра маҷ акредиттә система адгылара аҭара,  ақыҭанхамҩеи ааглыхреи ирызку апроектқәа адгылара рыҭара; ашәахтәқәа хылаԥшра рыҭара асистема аҧҵара; акадастртә хәшьара ахархәарала ашәахтәқәа хылаԥшра рыҭара асистема аҧҵара.

Аилатәараҿы ирылацәажәан актуалра змоу егьырҭ азҵаарақәагьы.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org