Аҧсны Аҳәынҭқарра Ахада

 

Ахада А. Гогәуа ииубилеи идиныҳәалеит

15.03.2022

Аԥсны Аҳәынҭқарра Ахада Аслан Бжьаниа Ашәҟәыҩҩцәа реидгыла алахәҩы, Д.И.Гәлиа ихьӡ зху Аҳәынҭқарратә премиа алауреат, «Ахьӡ-аԥша» аорден I аҩаӡара занашьоу Аԥсны Жәлар рышәҟәыҩҩы А.Н.Гогәуа ииубилеи идиныҳәалеит.

" Ҳаҭыр зқәу Алықьса Ноча-иҧа,

гәык-ҧсык ала ишәыдысныҳәалоит шәиубилеитә рыцхә. Шәара аҧсуа литературеи аҧсуа бызшәеи рыҿиараҟны злагаламҭа ахә ашьара уадаҩу, еицырдыруа милаҭтә шәҟәыҩҩы дуӡӡоуп.
Аҧсуа жәлар рзы доуҳатә мазараны иҟоу шәара шәлитературатә рҿиамҭақәа философиатә ҵакыла еибыҭоуп, иҵаулоу, аҧсҭазааратә ҵакы змоу апроблемақәа цәырыргоит.

Ҳаҭыр зқәу Алықьса Ноча-иҧа,

Шәара шәыҧсҭазааратәи шәырҿиаратәи мҩа, ҳажәлар рзы еиҳа иуадаҩыз аамҭақәа раан иаашәырҧшуаз атәылауаҩратә позициа, уи ацәхьамҵра иабзоураны ахаангьы ҳажәлар рыбзиабареи раҳаҭырқәҵареи шәаҧсан, хьӡи-ҧшеи шәыгмызт ҳтәыла аҩныҵҟеиҧш уи анҭыҵгьы.  

Акыр иаҳзаҧсоу Алықьса Ноча-иҧа, абри аҭагылазаашьа бзиа схы иархәаны, гәыкала ишәзеиҕьасшьар сҭахуп агәабзиара, арҿиаратә гәазыҳәара, ахирра".  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org