Аҧсны Аҳәынҭқарра Ахада

 

Аслан Бжьаниа Жәларбжьаратәи аҳәса рымш азы адныҳәалара ҟаиҵеит

08.03.2022

Аслан Бжьаниа Жәларбжьаратәи аҳәса рымш азы адныҳәалара ҟаиҵеит

Аԥсны Аҳәынҭқарра Ахада Аслан Бжьаниа Жәларбжьаратәи аҳәса рымш азы адныҳәалара ҟаиҵеит.

«Акыр иаҳзаԥсоу ҳанацәа, ҳаҳәшьцәа!

Гәык-ԥсык ала ишәыдысныҳәалоит Жәларбжьаратәи аҳәса рымш – Хәажәкырамза 8!

Ари ааԥын ныҳәа ссир аԥшӡареи ахаареи ирсимволуп, ԥхаррала, гәыблыла иҭәуп. Иахьа иҭабуп ҳәа шәаҳҳәар ҳҭахуп ҭаацәацыԥхьаӡа шәара шәыла иҩноу абзиабара, иҟоу аҳаҭыреиқәҵара, аилибакаара рзы.

Шәара шәыла ахәышҭаарақәа рыԥсы ҭоуп еиуеиԥшым аусхкқәа рыҟны имҩаԥыжәго азанааҭтә усура инаваргыланы. Шәара дәныҟала ишәныԥшуа аԥсыҽра акгьы аанагаӡом аҳаракыра дуқәа рышҟа ахалара аншәылшо.

Ҳазҭагылоу аамҭа зеиԥшразаалак, шәара шәааигәа иҟоу ирыгӡам агәцаракра, ахылаԥшра, аԥхарра. Шәара ишәыбзоураны ҳаԥсҭазаара иаҳа иразуп, илашоуп.
Шәара еиҵашәааӡо аҵеицәа роуп ҳажәлар Аиааира рзаазгаз, Аԥсадгьыл ахьчаразы хамеигӡарада игылаз.

Акыр иаԥсоу ҳахәшьцәа, ҳанацәа, ари аныҳәамш азы ишәзеиӷьасшьар сҭахуп агәабзиара, алахҿыхра, аныҳәатә гәалаҟазаара шәыгымзааит есқьынгьы!»


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org