Аҧсны Аҳәынҭқарра Ахада

 

Ахада Урыстәылатәи Афедерациа Аиҳабыра Ахантәаҩы М.В. Мишустин Иира амш азы дидныҳәалеит

03.03.2022

Ахада Урыстәылатәи Афедерациа Аиҳабыра Ахантәаҩы М.В. Мишустин Иира амш азы дидныҳәалеит

Аҧсны Аҳәынҭқарра Ахада Аслан Бжьаниа Урыстәылатәи Афедерациа Аиҳабыра Ахантәаҩы М.В. Мишустин Иира амш азы дидныҳәалеит.

“Ҳаҭыр зқәу Михаил Владимир-иҧа,
Гәык-ҧсык ала ишәыдысныҳәалоит Шәира амш.

Урыстәылатәи Афедерациа Аиҳабыра Ахантәаҩы иаҳасабала Шәара аусура ду мҩаҧыжәгоит Урыстәылатәи Афедерациа аекономика арҿиареи атәылауаа рҭагылазаашьа аиҕьтәреи рзы.

Ҷыдала иазгәасҭарц сҭахуп Аҧсны Аҳәынҭқарреи Урыстәылатәи Афедерациеи ирыбжьоу аусеицураҟны иҟоу алҵшәақәа ртәы. Шәара хаҭала шәлагала иабзоураны ҳтәылақәа рыбжьара аусеицура аҳәынҭқарра аҧсҭазаара еиуеиҧшым аганқәа рыҟны аихьӡарақәа рныҧшуеит.
Сара агәра згоит аҧсны-урыстәылатәи аимадареи аилибакаареи ирымоу аҩаӡара ишҳалнаршо аҧхьаҟагьы наҟ-ааҟ иаҳзыфеидоу аусеицура шалнаршо.
Ҳаҭыр зқәу Михаил Владимир-иҧа,

Абри аныҳәамш азы,  ишәзеиҕьасшьоит ишәзықәгылоу ахықәкқәа рыҟны ақәҿиарақәа, агәабзиара, ахирра.”


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org