Аҧсны Аҳәынҭқарра Ахада

 

Аслан Бжьаниа Донецктәи Жәлар Рреспублика Ахада Д. В. Пушилин ихьӡала адныҳәаларатә цҳамҭа ишьҭит

22.02.2022

Аҧсны Аҳәынҭқарра Ахада Аслан Бжьаниа Донецктәи Жәлар Рреспублика Ахада   Д. В. Пушилину ихьӡала адныҳәаларатә цҳамҭа ишьҭит.
                                        
Адныҳәаларатә цҳамҭаҟны иҳәоуп:  
      
«Ҳаҭыр зқәу Денис Владимир -иԥа, гәык-ԥсык ала ишәыдысныҳәалоит Донецктәи Жәлар Рреспублика Урыстәылатәи Афедерациа аганахьала иаиуыз ахьыԥшымреи асуверенитети разхаҵара.

Шәара шәтәыла ашьақәгылареи аҿиареи рымҩаҟны акрызҵазкуа хҭысны иҟалаз 2022 шықәса жәабранмза 21 арыцхә, Донецктәи Жәлар Рреспублика аҭоурых ианылоит аиаша аиааира анагаз амш аҳасабала. Аԥсны жәлар ибзианы ирдыруеит ахақәиҭра иахҭынҵоу ахә ашьара шыуадаҩу.

Ҳаҭыр зқәу Денис Владимир-иԥа, абри аҭагылазаашьа схы иархәаны,  Донецктәи Жәлар Рреспублика иқәынхо ауааԥсырагьы Шәаргьы Аԥсны жәлар рыхьӡала, хаҭала сара сыхьӡала ишәзеиӷьасшьоит аҭынчра, ахирра, аизҳазыӷьара».

  



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org