Аҧсны Аҳәынҭқарра Ахада

 

Аҧсны Аҳәынҭқарра Ахада А. Гь. Бжьаниа Аҳәамҭа ҟаиҵеит

22.02.2022

Аҧсны Аҳәынҭқарра Ахада А. Гь. Бжьаниа Аҳәамҭа ҟаиҵеит

Аҧсны Аҳәынҭқарра Ахада Аслан Бжьаниа Донецктәи Жәлар Рреспубликеи Лугансктәи Жәлар Рреспубликеи рҳәынҭқарратә суверенитети рхьыҧшымреи разхаҵаразы Урыстәылатәи Афедерациа Ахада В. В. Путин идикылаз азыӡба инамаданы Аҳәамҭа ҟаиҵеит .

Аҳәамҭаҟны иҳәоуп:

«Ҳара ҳадгылоит Урыстәылатәи Афедерациа Ахада В. В. Путин иганахьала Донецктәи Жәлар Рреспубликеи Лугансктәи Жәлар Рреспубликеи рҳәынҭқарратә суверенитети рхьыҧшымреи разхаҵаразы азыӡба.

Донбасс ажәлар акыршықәса раахыс иуадаҩу  аҧышәара дуқәа ирҭагылоуп. Украина аофициалтә мчрақәа рхы ацәыргон Минсктәи аиқәшаҳаҭрақәа рпункт хадақәа рынагӡара, еиуеиҧшым аҭыҧқәа рыҟны имҩаҧысуаз аиҿцәажәаратә процессқәа еиҵарҟьон, Донбасс ауааԥсыра рҭахрақәа максималла иҭархаганы иазнеиуан.   Украинатәи аган ала аимак дипломатиатә ҟазшьала аҭышәныртәалара аамҭа анаскьагара иахҟьаны Донбасс  иаалырҟьаны аҭагылазаашьа бааԥсхеит, Ареспубликақәа рыҟны агуманитартә ҭагылазаашьа еицәахеит. Аимак есааира аҽарӷәӷәо ианалага  Донбасс иқәынхоз хыҧхьаӡара рацәала аҭынч уааҧсыра рыҩнқәа ааныжьны Урыстәыла ахыҵакырҭа аԥшаара иалагар акәхеит.

Абас ала, Донецктәи Лугансктәи Жәлар Рреспубликақәа рсуверенитет ахьыҧшымра азхаҵара иашоуп, агеополитикатә ҭагылазаашьа иақәҿнаҭуеит, ҳазҭагылоу аамҭа иацу ашәарҭарақәа ирықәшәоит.

Аҧсны Аҳәынҭқарреи Урыстәылатәи Афедерациа ирыбжьоу аиҩызара ҳасаб азуны,  Аԥсны Аҳәынҭқарра Урыстәыла анапхгара иаднакылаз азыӡба иадгылоит. Агәра ҳгоит, ари азыӡба арегион аҟны ашәарҭадара архитектура аԥхьаҟатәи аԥеиԥш арӷәӷәара ишацхраауа. Убри анаҩс, Урыстәыла аганахьала Донбасс Ареспубликақәа разхаҵара ажәлар маҷқәа рзинқәа ахьыхьчоу, жәларбжьаратәи ауаажәларра ракәзар, урҭ рыбжьы ҳаҭырқәҵарыла иазнеиуа иахьыҟало. еиҳа ииашоу, еишьашәалоу адунеитә еиҿкаара ашьақәыргылара иацхраауеит ҳәа иҳаԥхьаӡоит.

Донецктәи Жәлар Рреспубликеи Лугансктәи Жәлар Рреспубликеи рыжәларқәа ирзеиӷьасшьоит иаарласны аҭагылазаашьа аҭышәныртәалара, аҭынчра, аизҳазыӷьара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org