Аҧсны Аҳәынҭқарра Ахада

 

Ахадеи амчратә усбарҭақәа рнапхгаҩцәеи ашәарҭадара азҵаарақәа ирылацәажәеит

31.01.2022


Аҧсны Аҳәынҭқарра Ахада Аслан Бжьаниеи амчратә усбарҭақәа рнапхгаҩцәеи ашәарҭадара азҵаарақәа ирылацәажәеит.

Ҭелла имҩаҧгаз аицәажәараҿы Аҳәынҭқарратә Шәарҭадара Амаҵзура ахантәаҩы Роберт Киут аҳәынҭқарра Ахада адырра ииҭеит Аҟәа ақалақь аҟны  мҽхакы ҭбаала имҩаҧысуаз аҧсны-урыстәылатәи антитеррористтә ҽазыҟаҵарақәа рзы.

Р. Киут иазгәеиҭеит аҽазыҟаҵарақәа қәҿиарала ишымҩаҧысыз. Урҭ ирылахәын  Аҧсны Аҩныҵҟатәи аусқәа рминистрра, Аҳәынҭқарратә Шәарҭадара Амаҵзура, Аҭагылазаашьа ҷыдақәа рзы аминистрра, Аҳәынҭқарратә хьчара амаҵзура, иара убас Урыстәыла Афедералтә Шәарҭадара амаҵзура рыҟнытә иааизакны, 500-ҩыуаак.

Изакәанымкәа акриптовалиута аиуразы афактқәа раарҧшразы имҩаҧгаз ареидқәа рылҵшәақәа ртәы далацәажәеит  Аҩныҵҟатәи аусқәа рминистр Вальтер Быҭәба.
Ахада адҵа риҭеит ари ахырхарҭала аусура арӷәӷәаразы, иаҿырххьоу аобиектқәа хылаҧшра рырҭаларц азы.

Аҩныҵҟатәи Аусқәа рминистр Ахада адырра ииҭеит арҩашьыгатә маҭәашьарқәа маҷымкәа рыҭира афакт аҧырҟәҟәааразы имҩаҧгаз аусуразы.  

Аслан Бжьаниа амчратә усбарҭа аусзуҩцәа азхьарҧшны далацәажәеит аҿкычымазара Ковид-19 аҿагыларазы иазгәаҭоу аҧкрақәа рырӷәӷәара атәы.

Аҳәыҭқарра Ахадеи амчратә усбарҭақәа рнапхгаҩцәеи ҭелла реицәажәараҿы ирзааҭгылеит актуалра злоу егьырҭ  азҵаарақәагьы.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org