Ахада Ҟабарда - Балкариа Автономтә област 100 ш.ахыҵра инамаданы адныҳәалара ҟаиҵеит

Аҧсны Аҳәынҭқарра  Ахада Аслан Бжьаниа Ҟабарда-Балкариатәи Ареспублика шьақәгылеижьҭеи 100ш. инамаданы Ареспублика Ахада Казбек Коков ихьӡала  адныҳәаларатә цҳамҭа ишьҭит.

Адныҳәаларатә текст аҟны иҳәоуп:

«Ҳаҭыр зқәу Казбек Валери-иҧа
Гәык-ҧсык ала ишәыдысныҳәалоит Ҟабарда - Балкариа Автономтә област 100 ш.ахыҵра иазку ахҭыс ду.
Арҭ ашықәсқәа ирылагӡаны акрызҵазкуа амҩа ианысхьеит. Ҟабарда- Балкариа   еицырдыруеит ибеиоу иуникалтәу акультуреи милаҭ рацәала еилаҧсоу ажәлар аџьа разыҟазаашьеи иаадырԥшуа аихьӡарақәеи рыла. Ҟабарда-Балкариатәи Ареспублика ажәлар рқьабзқәа еиқәырханы ҧхьаҟа ацара иаҿуп.
Ареспублика иахьа аҿиара амҩа иануп,  аихьӡара ҳаракқәа раарҧшра иаҿуп.
Наҟ-ааҟ ҳажәларқәа аҧхарра зцу аиҩызареи аицхыраареи еидыркылоит. Аҧсны жәлар ҳаҭыр дула ирзыҟоуп иаҳа ианыуадаҩыз аамҭазы Ҟабардантәи иааны хатәгәаҧхарала еибашьуаз, урҭ рахьтә иахьа иҳацым ргәалашәара лаша наунагӡа иҳацзаауеит. Агәра згоит, ҳажәларқәа реимадара есааира  аҽшарӷәӷәало.
Ҳаҭыр зқәу Казбек Валери-иҧа, аҵак ду змоу ари амш аҽны Шәареи Ҟабарда-Балкариатәи Ареспублика иқәынхо зегьи ишәзеиӷьасшьоит ақәҿиарақәа, аихьӡара ҿыцқәа, аизҳазыӷьара!»


Возврат к списку