Ахада Леонид Лакербаиа 75 шықәса ихыҵра идиныҳәалеит

Ахада Леонид Лакербаиа 75 шықәса ихыҵра идиныҳәалеит

Ажьырныҳәамза 1 азы ииуибилеи азгәеиҭоит аҳәынҭқарратә, аполитикатә усзҩуы Леонид Лакербаиа.

Аҳәынҭқарра Ахада Леонид Лакербаиа ҭелла диацәажәеит, гәыблыла 75 шықәса ихыҵра идиныҳәалеит. Аслан Бжьаниа иазгәеиҭеит Л. Лакербаиа Аԥсны аҭоурых ҿыц аҟны илагаламҭа ду. А. Бжьаниеи Л.Лакербаиеи иара убас Ашықәс ҿыц азы адныҳәаларақәа еимырдеит.
  
Аҳәынҭқарра Ахада иофициалтә саит адаҟьақәа рыҟны иара убас икьыԥхьуп адныҳәаларатә цҳамҭа:

«Ҳаҭыр зқәу Леонид Иван-иԥа,

      Гәык-ԥсык ала ишәыдысныҳәалоит Шәиубилеи. Шәара хьаҳәа-ԥаҳәарада шәзықәныҟәо шәтәылауаҩратә позициа, шәморалтә ҟазшьақәа ирыбзоураны аҳаҭыр шәаԥсахеит Аԥснеиԥш, уи анҭыҵгьы. Шәара шәырдыруеит зыԥсҭазаара зегьы Аԥсадгьыл, зыжәлар рымаҵура иазызкыз уаҩык иаҳасабала. Шәара жәлартә политикуп ззуҳәаша шәыруаӡәкуп.
      Ҳаҭыр зқәу Леонид Иван-иԥа, Шәара уажәы хәы змаӡам шәԥышәа, шәыпрофессионализм, шәҟәыӷара еиҿырцааны қәҿиарала иарбан усзаалак анагӡара аншәылшо ақәра шәҭагылоуп.  
     Ари аныҳәамш азы гәык-ԥсык ала ишәзеиӷьасшьоит гәабзиара, еицакра зқәым агәамч, лыҵшәа змоу аусура».


Возврат к списку