Аҧсны Аҳәынҭқарра Ахада

 

Ахада асасааирҭатә, апартаменттә комплекс «Москва Резорт» апрезентациа далахәын

27.12.2021

Ахада асасааирҭатә, апартаменттә комплекс «Москва Резорт» апрезентациа далахәын

Аԥсны Аҳәынҭқарра Ахада Аслан Бжьаниа асасааирҭатә, апартаменттә комплекс «Москва Резорт» апрезентациа далахәын.  

Апрезентациаҟны иҟан Аԥыза-министр Александр Анқәаб, аиҳабыра алахәцәа,  апарламент адепутатцәа.

Аҳәынҭқарра Ахада иаҵшьны иазгәеиҭеит иамоу амҽхак ала Аԥсназы зеиԥш ҟамлац аинвестициатә проект анагӡара иамоу аҵак ду.
Урыстәылатәи аделегациа напхгара аиҭон апроект аинвестор, «Н.И. Ткачиов ихьӡ зху Агрокомплекс»  адиректорцәа рхеилак ахантәаҩы Александр Ткачиов. Апроект дахцәажәо, уи иҳәеит асасааирҭатә, апартаменттә комплекс «Москва Резорт» Пицунда ишыргылахо, иара 45 га инареиҳаны ишаҵанакуа.
Аинвестициақәа рымҽхак иартәоит 20 млрд мааҭ инарзынаԥшуа. Асасааирҭа ахыбра хадаҟны иҟалоит 700 номерк.

«Ари апроект ганкы мацарала  анагӡара ҟалаӡом. Аинвестор иахьизыԥшу, иааира иахьазыҟаҵоу ауп дахьнеиуа. Аинвестициақәа рымҽхаки аԥсҭазаара аҩаӡареи рыла Аԥсны СССР ахаантәи Черногориа мамзаргьы Иугославиа иазааигәоуп . Аха иахьа ҳара иаҳбоит Черногориа илнахыз амҩа – аартроуп, аинвестициақәа рымҩоуп, иахьа уи адунеитә ҩаӡара аҟынӡа иҟоу асасааирҭақәа змоу зынӡа даҽа тәылоуп. Абри иабзоураны абиуџьети аԥсҭазаара аҩаӡареи шьҭыҵуеит. Иашоуп, ари ус имарианы иӡбоу усӡам иара аполитикатә напхгара рызгьы, аха уаҩы ибартә иҟоуп – ухатәы мчқәа урықәгәыӷны мацара анхара – аҽыԥхьакра амҩала ацара лыҵшәадоуп.  
Уи иажәақәа рыла, ари апроект анагӡара аныҟала, аҩыза Урыстәылагьы иҟаӡам, ҷыдала, Шәачагьы.
  «Ари ҳзышьцылоу бетонӡам. Ари аҳауатә ҭагылазаашьа иақәшәо екологиоуп, шәаԥыџьаԥуп. Аинвестициақәа рымҽхак иартәоит 20 миллиард мааҭ рҟынӡа.  Хышықәса аргылара иагоит, ари зқьи бжаки инарзынаԥшуа аусурҭа ҭыԥқәа,   700 номерк, зқьи бжаки амаҵура мҩаԥызго аусзуҩцәа, атуристцәа раара азеиԥш мҽхакы акырӡа иаззырҳауа ак акәхоит»,-иҳәеит А.Ткачиов.

Апроект далацәажәо, аилахәыра «Иҷыдоу аргылаҩ «Шәача-Парк хәба иацҵаны» адиректор хада Александр Саурин иқәгылараҟны иазгәеиҭеит ас еиԥш иҟоу апроектқәа рынагӡаразы аԥышәа шрымоу, ари қәҿиарала ишымҩаԥысуа азы гәыҩбара шрымам.  Аилахәыра ари аҩыза жәларбжьаратәи амҽхак змоу апроект анагӡара иаҿуп, 30% инагӡоуп.  

Саурин  иҳәеит ари апроект анагӡаразы еиуеиԥшым ахырхарҭақәа рыла, аиҿкааратә, азинтә, анапхгаратәқәагьы налаҵаны, наҟ-ааҟ аусура шаҭаху. «Ҳара ҳганахьала иҳалшо зегьы ҟаҳҵоит уи азы, аҳәаанырцәтәи аԥышәа ҳамоуп азы. Иара убас аԥсуа гангьы ҳақәгәыӷуеит».

«Ас еиԥш иҟоу апроектқәа аҭахуп атәыла аекономика аҿиаразы, адотациақәа рыцәцаразы. Иахьа ҳара аинвестициақәа рыхьчара акәӡам, аимак змоу иара аинвестициа аидеиа ахьчараҟноуп. Абри ауп проблемас иҟоу. Аԥсны аиҳабыра ирҳәон, иагьырҳәалоит – инвестициада аԥсуа економика абыржәы иахьыҟоу изахысӡом»,- иҳәеит Александр Анқәаб апроект адгылара аҭаны.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org