Имҩаԥысит Аҧсны Ахадеи Аҧсны Жәлар Реизара адепутатцәеи реиҧылара

Имҩаԥысит Аҧсны Ахадеи Аҧсны Жәлар Реизара адепутатцәеи реиҧылара

Имҩаԥысит Аҧсны Аҳәынҭқарра Ахада Аслан Бжьаниеи Аҧсны Жәлар Реизара адепутатцәеи реиҧылара.

Аҳәынҭқарра Ахада иҳәеит, апарламентарицәеи иареи реиҧылара азгәаҭаны имеижьҭеи акыр шыҵуаз.

"Иҳаҩсыз амчыбжьазы Апарламент Аиҳабы аҭел дысзасын, ҳаицәажәеит аиҧылара ахашаҽны имҩаҧаҳгарц ҳаицәажәеит. Аҿкычымазара иадҳәалоу аҭагылазаашьа инамаданы, Аминистрцәа реилазаара аконференц-зал аҟны имҩаҧаҳгарц ҳаӡбеит. Иҟалап, абри азҵааразы шьоукы даҽа гәаанагарак рымазар. Ижәбоит иҟоу  аҭагылазаашьа зеиҧшроу. Иҭабуп ҳәа шәасҳәоит иаазгьы, имаазгьы.  Иааидкыланы, Апарламент зегьы ибзианы сазыҟоуп"; - иҳәеит Ахада.

Ахада иаҵшьны иазгәеиҭеит, адепутатцәа рызҵаарақәа зегьы рҭак аҟаҵара дшазыхиоу.

Аҳәынҭқарра Ахада далацәажәеит аепидемиологиатә ҭагылазаашьа зеиҧшроу, иҳәеит 2020ш. хәажәкырамза инаркны аҿкычымазара иаҿагыланы ақәҧаразы иҟаҵоу атәы. "Абри аамҭа инаркны, аиуристтә хаҿқәа рыцхырара налаҵаны,  аҳәынҭқарра 770 млн. мааҭ ахарџь ҟанаҵеит. Ҳазҭоу ашықәс азы аҳәынҭқарра ахатә биуџьет иартәеит 6 млр.мааҭ.
" 2021 ш. ааҧынразы ирыдыркылаз аҳәынҭқарра ахатә биуџьет аҟны иазгәаҭан: ахашәалатә хәҭа -10млрд.463 мааҭ, ахатәы хашәалақәа – 5 млн.289мааҭ. "Иахьа  ахатә хашәалақәа идыртәеит 5 млрд.988млн.мааҭ. Ахатә хашәалақәа 698 млн.мааҭ рыла еиҳаҳтәит. Раҧхьаӡакәны Аҧсны аҭоурых ҿыц аҟны ҳара иҳауит апрофициттә биуџьет", - иҳәеит А. Бжьаниа.

Ахада, иара убас иазгәеиҭеит иалагалаз аҧсахрақәа ртәы - уи иазҳаит 439 млн.мааҭ рыла. "Арҭ аԥарақәа рыхәҭа дук ҳтәылауаа ргәабзиара ахьчарахь идәықәҵоуп",-иҳәеит иара.

Аҳәынҭқарра Ахада адепутатцәа хәҭа-хәҭала ирызнеигеит афымцамчтә усхк аҟны иҟоу аҭагылазаашьа атәы. Иазгәеиҭеит Егры Аӡфымчастанциаҟны лассы аӡы аҩаӡара ишәарҭоу ацәаҳәаҟынӡа албаара иахьаҿу аҟнытә ареспублика анапхгара урыстәылатәи аган аҟны ацхыаара ишаҳәаз.
Ахада далацәажәеит Аҟәатәи аҳаиртә баӷәаза аиҭашьақәыргыларазы апроекттә институт злахәу Аиқәшаҳаҭра шазԥхьагәаҭоу атәы; иҿыцу аусурҭа ҭыԥқәа раԥҵара атәы.

Аслан Бжьаниа адепутатцәа иқәдыргылаз азҵаарақәа жәпакы рҭак ҟаиҵеит.

Адепутат Баҭал Аиба политикцәақәак бџьарла аҽеиҭабара иазку рҳәамҭақәа инарымаданы Ахада игәаанагара дазҵааит. «Шәгәаанагара здыруазарц сҭахуп. Абас еиԥш иҟоу ааԥхьарақәа ирхышәҳәаауеи, избан акәзар ари ауаажәларра рыҩныҵҟа агәҭынчымра рызцәырнагоит. Аҩныҵҟатәи ашәарҭадара атәы шәаҳзалацәажәар сҭахын, абри азҵааразы апрокуратура аганахьалагьы иазгәаҭоу ауснагӡатәқәа ртәы.  

Ахада иажәақәа рыла, ауаа аӡәырҩы ари аҳәамҭа ргәы арҭынчуам. "Атәылауаа абџьарла аҽеибыҭаразы атәылауаҩ Кәарҷиа иҟаиҵаз ари ааԥхьара инадҳәаланы азҵаарақәа рымоуп. Сазҵаар сҭахуп, аҽеибыҭара хықәкыс иамои, абџьар ззышьҭырхуада, ари аҩыза азин ҟазҵада? Иахьа ари иазҵаауеит хыԥхьаӡара рацәала ауаа, ари азҵаара рнапы алакуп азинхьчаратә усбарҭақәагьы», - иҳәеит А. Бжьаниа, азҵаара аҭак ҟаҵо.


Возврат к списку