Аслан Бжьаниа В. Н. Красносельски Приднестровиатәи Молдавиатәи Ареспублика Ахадас еиҭа иалхра инамаданы адныҳәаларатә цҳамҭа ишьҭит

Аслан Бжьаниа В. Н. Красносельски Приднестровиатәи Молдавиатәи  Ареспублика Ахадас еиҭа иалхра инамаданы адныҳәаларатә цҳамҭа ишьҭит

Аԥсны Аҳәынҭқарра Ахада Аслан Бжьаниа В. Н. Красносельски Приднестровиатәи Молдавиатәи  Ареспублика Ахадас еиҭа иалхра инамаданы адныҳәаларатә цҳамҭа ишьҭит.

«Ҳаҭыр зқәу Вадим Николаи-иԥа, ҳаҭырла сшышәзыҟоу азгәаҭаны, ишәыдысныҳәалоит Приднестровиатәи Молдавиатәи Ареспублика Ахадас еиҭа шәалхра.

Иреиҳаӡоу аҳәынҭқарратә маҵзурахьы шәалхра  Приднестровиа  ажәлар ишәырҭо агәрагара атәы аҳәоит.

Аԥсны Аҳәынҭқарраҟны аҵак ду арҭоит аԥсны-приднестровиатәи аусеицура. Сара агәра згоит аԥхьаҟагьы иҳабжьоу аимадара ҳажәлар реизҳазыӷьара ахьӡала конструктивла аҿиара шаиуа.

Ҳаҭыр зқәу Вадим Николаи-иԥа, ари аҭагылазаашьа бзиа схы иархәаны, ишәзеиӷьасшьоит шәнапы злаку аусураҟны аихьӡарақәа, аизҳазыӷьара».


Возврат к списку