Аҧсны Аҳәынҭқарра Ахада

 

Ахада Аҩныҵҟатәи аусқәа рминистр аколлектив дыдирдырит

06.12.2021

Ахада Аҩныҵҟатәи аусқәа рминистр аколлектив дыдирдырит

Аҧсны Аҳәынҭқарра Ахада Аслан Бжьаниа Аҩныҵҟатәи аусқәа рминистрра хаҭалатәи аилазаареи аколлективи дыдирдырит ҧхынҷкәымза 6 рзы Аҩныҵҟатәи аусқәа рминистрс иаҭоу  Быҭәба Вальтер Сергеи-иҧа.

Аслан Бжьаниа ҧасатәи аминистр Дмитри Дбар иусуразы иҭабуп ҳәа иаҳәаны, аусбарҭа аколлектив ихы нарықәкны иазгәеиҭеит, иааидкыланы аҩныҵҟатәи аусқәа рминистрра аусура бзиоуп ҳәа ишиҧхьаӡо, аҧхьаҟагьы амилициа аусзуҩцәа адгылара шриҭало, ААР хаҭалатәи аилазаара аусура гәацҧыҳәарала, инеиҧынкыланы, Азакәан инақәыршәаны имҩаҧыслароуп ҳәа.  

«Сгәы иаангоит, аминистр ҿыц иааирала аусура еиҧҟьарада, ҧсаеиҧш имҩаҧыслоит ҳәа. Дарбанзаалак амилициа идыруазароуп изакәану, азинлеишәа ашьақәыргыларазы ауаажәларра рҭахрақәа ирықәҿыҭуа иааирҧшуа иаҧшьгарақәа, азинтә ҳәаа иҭагӡаны имҩаҧысуа иусура адгылара шроуа”,- иҳәеит Ахада.

Аҩныҵҟатәи аусқәа рминистр Вальтер Быҭәба атәыла анапхгара агәра диргеит аҩныҵҟатәи аусқәа русбарҭақәа русзуҩцәа рҿаҧхьа иқәгылоу аҳасабтәқәа рынагӡаразы илшо зегьы шыҟаиҵо.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org