Аҧсны Аҳәынҭқарра Ахада

 

Ахада Ашәарҭадара Ахеилак аилатәара мҩаҧигеит

06.12.2021

Ахада Ашәарҭадара Ахеилак аилатәара мҩаҧигеит

Аҧсны Аҳәынҭқарра Ахада Аслан Бжьаниа Ашәарҭадара Ахеилак аилатәара мҩаҧигеит.

Амш азҵаараҟны иқәгылан атәылаҟны иҟоу аепидемиологиатә ҭагылазаашьеи аҩныҵҟатәи аусқәа русбарҭақәа рыҟны аусура аиҕьтәразы ажәалагалқәеи.

Аилатәарахь иааҧхьаз агәабзиарахьчара аминистр Едуард Быҭәба аилатәара иалахәыз рҟынӡа инеигеит коронавирустә ҿкы инамаданы иҟоу аҭагылазаашьеи уи алаҵәара аҿагыларазы инарыгӡо ауснагӡатәқәеи ртәы. Агәабзиарахьчара анапхгаҩы иажәақәа рыла, COVID-19 инадҳәаланы иҟоу аҭагылазаашьа макьанагьы иуадаҩуп,  ачымазара аиҵахара убарҭаӡам, аҵыхәтәантәи амшқәа рзы арбагақәа рҽырымҧсахӡеит.  «Рыцҳарас иҟоу, аҧсрақәа рхыҧхьаӡара азҳара иаҿуп», - иҳәеит Едуард Быҭәба.

Аминистр иара убас иҳәеит  атәылауаа рганахьала авакциналаҵарагьы шеиҵахаз. «Ареспубликаҟны авакциниа злазҵаз рхыҧхьаӡара 12 887-ҩык роуп», - иҳәеит иара. Иазгәеиҭеит аҭагылазаашьа шыуадаҩугьы, амедицинатә усбарҭақәа ахәшәқәеи ахыхьчагатә хархәагақәеи рыла ишеиқәыршәоу. Хымҧада, ауадаҩрақәа шыҟоу иаанхоит Артлегиеи Актемреи рзы.
Аминистр ачымазара аизҳара ауааҧсыра аҧкратә уснагӡатқәа иахьрықәымныҟәо иадиҳәалоит.  

Ашәарҭадара Ахеилак аилатәараҟны иара убас ирылацәжәеит егьырҭ иактаултәу азҵаарақәагьы.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org