Аҧсны Аҳәынҭқарра Ахада

 

Ахада Аҟәа араион ахь аусуратә ныҟәара мҩаԥигеит

25.11.2021

Ахада Аҟәа араион ахь аусуратә ныҟәара мҩаԥигеит

Аԥсны Аҳәынҭқарра Ахада арҽеиратә усурақәа шымҩаԥысуа гәеиҭеит Аҟәа араиони Аҟәа ақ. рыҟны.

Аҳәынҭқарра Ахада иусуратә ныҟәараан ицын Ахада Иадминистрациа Анапхгаҩы ихаҭыԥуаҩ Зураб Қаџьаиа, аԥыза-министр актәи ихаҭыԥуаҩ, ақыҭанхамҩа аминистр Беслан Џьопуа, Аҟәа араион администрациа Ахада Алхас Ҷыҭанаа.

Агәаҭаратә усураан Ахада даҭааны ибеит  Ӡықәҭа ақыҭаҟны амашьына цҳа аргылара шцоз.  

Алхас Ҷыҭанаа иазгәиҭеит аргылара хацыркуижьҭеи  мызкы ишеиҳау, аусурақәа араион абиуџьет ахарџь ала ишымҩаԥысуа.
Ақәыршҩқәа аныҟоу аӡы хыҵуеит аҟнытә ауаа ақалақьи дареи реимадара еиԥҟьоит. "Амшқәа бзиахар ҳазҭоу ашықәс анҵәамҭазы аусурақәа ихыркәшахоит», - иҳәеит араион ахада. Азеиԥшргыларатә усурақәа ирықәхарџьхоит 4,9 млн мааҭ.

Аслан Бжьаниа ақыҭа иаланхо ԥҳәыск длыҿцәажәеит. Уи илҳәеит ацҳа аҟамзаара рҭагылазаашьа шаруадаҩуа, убри аҟнытә уи аргылара лассы ихыркәшахоит ҳәа агәыӷра шлымоу. Иара убас ари араион аҟны аиҭашьақәыргылара зҭаху даҽа цҳак ыҟоуп. Араион ахада иажәақәа рыла, амашьына цҳа раԥхьа иргыланы арҽеира аҭахуп, агьи уи анаҩс .

Ахада иазгәеиҭеит 2022 шықәса нҵәаанӡа ашьаҟауаа рыцҳагьы шыҟаҵахо.  "Шьаҿа-шьаҿала шәыпроблемақәа ӡбахоит", - иҳәеит иара.
Иара убас аҳәынҭқарра Ахада даҭааит Баслаҭ ақыҭагьы, ара Аинвестициатә программа аҳәаақәа ирҭагӡаны амҩа километрак акаҭран ықәҵан, уи Адыгеиантә иааз хатәгәаԥхаралатәи аибашьҩы Адам Хуаде ихьӡ ахуп. Аусурақәа рхарџь иартәоит 4 миллионки 690 нызқь мааҭи.

Аҳҭнықалақь аҟны арҽеиратә усурақәа ргәаҭараан Аслан Бжьаниа дрыхәаԥшит Аинвестпрограммала имҩаԥысуа Аҟәа амҩақәа Џьонуа, Гәлиа, Абазақәа рыҟны ахыркәшарахь инеиуа аиҭашьақәыргыларатә усурақәа. Ақалақь ахада Беслан Ешба иажәақәа рыла, аусрақәа мҩаԥысуеит 686 метр ирҭагӡаны, абиуџьет амҽхак иартәоит 38 млн мааҭ. Ҳазҭагылоу аамҭазы амҩақәа акаҭран рықәҵара иаҿуп, урҭ ԥхынҷкәынмза азбжазы ихыркәшахоит амшқәа бзиахар.  

Анаҩс Ахада даҭааит Гәлиа имҩа. Ара аусурақәа мҩаԥысуеит Сахаров имҩаҟнытә иааиуа амҩеихда инаркны аџьармыкьа хада аҟынӡа – 1200 метра рҟынӡа зыҵазкуа амҩаҿы. Арҽеиратә усурақәа рбиуџьет иартәоит 48 млн мааҭ.  

Ахада аҳҭнықалақь анапхгаҩы аусурақәа ашықәс ҿыц аҟынӡа рхыркәшара алыршахома ҳәа азҵаара ииҭаз, Ешба Ахада агәра ииргеит уанӡа ишхыркәшахо азы.

1360 метра аура змоу амҩаҟны аусурақәа рбиуџьет иартәоит 66 млн мааҭ. Беслан Ешба иазгәеиҭеит ари амҩаҟны аусурақәа зегь раасҭа ишыуадаҩыз, аимадарақәа ирыдҳәалаз апроблемақәа аибашьра ҟалаанӡагьы ишыҟаз, аха убас шакәугьы, арҽеиратә усурақәа рхыркәшара анаҩс ари амҩаҟны инхо ауаа уадаҩра шырмоуа.    

Аусуратә ныҟәара аихшьалақәа рыла аҳәынҭқарра Ахада Аҟәа ақ. Администрациаҟны аилацәажәара мҩаԥигеит. 10-мыз рыҩныҵҟатәи аусуразы аҳасабырба ҟаҵо, дықәгылеит аҳҭнықалақь анапхгаҩы Беслан Ешба. ПРЕЗИДЕНТ АСЛАН БЖАНИЯ ОСМОТРЕЛ ХОД


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org