Ахада Апатриарх Кирилл 75-шықәсаихыҵра инамаданы адныҳәалара ҟаиҵеит

Аԥсны Аҳәынҭқарра Ахада Аслан Бжьаниа Москватәии Урыстәылазегьтәии Апатриарх Кирил 75-шықәсаихыҵра амш аҽны дидныҳәалеит.

Адныҳәаларатә цҳамҭаҟны иҳәоуп:

«Шәыԥшьаҳаракыра!  

Гәык-ԥсык ала ишәыдысныҳәалоит 75-шықәсашәхыҵратәи аиубилеи!

Шәара шәыԥсҭазаара Анцәа имаҵура, ауаа рыгәқәа рыҟны аиашахаҵаратә нцәахаҵара ашьақәырӷәӷәара иазышәкит.

Аурыс Иашахаҵаратә Ныха апозициа арӷәӷәаразы Шәара Апатриарх иаҳасабала имҩаԥыжәго аԥшьамаҵзура аҳаҭырқәҵара ду иаԥсахеит.

Аамсҭашәара, ақьырсиан ҵасқәа рышьақәырӷәӷәара иабзоураны, Шәара адунеи зегьы аҿы шәеицырдыруеит, хьӡи-ԥшеи шәымоуп.

Аԥсны Аҳәынҭқарраҟны иҭабуп ҳәа шәарҳәоит Шәара иҟашәҵо адгыларазы. Агәра згоит аԥхьаҟагьы ҳқьырсиан жәларқәа реизыҟазаашьа аиҩызара шьаҭа аманы аҿиара шроуло.

Шәыԥшьаҳаракыра, гәык-ԥсык ала ишәзеиӷьасшьоит агәабзиара, Анцәа илԥхала имҩаԥыжәго аус аҟны аихьӡарақәа».


Возврат к списку