Аҧсны Аҳәынҭқарра Ахада

 

Ахада аҩныҵҟатәи аусқәа русбарҭақәа русзуҩцәа аԥсуа милициа аԥҵара амш рыдиныҳәалеит

10.11.2021

Аԥсны Аҳәынҭқарра Ахада Аслан Бжьаниа аҩныҵҟатәи аусқәа русбарҭақәа раԥҵара амш аҽны анапхгареи аусзуҩцәеи дрыдныҳәалеит.

"Ҳаҭыр зқәу Дырмит Сергеи-иԥа, ҳаҭыр зқәу аҩныҵҟатәи аусқәа русбарҭақәа русзуҩцәеи аветеранцәеи, гәык-ԥсык ала ишәыдысныҳәалоит аҩныҵҟатәи аусқәа русбарҭақәа раԥҵара амш!

Аԥсуа милициа аҭоурых – ари акрызҵазкуа, убри аангьы аҭакԥхықәра дуи ашәарҭареи зцу азанааҭ змоу ауаа ирҭоурыхуп. Афырхаҵара, агәымшәара, ламысла амаҵзура анагӡара – абарҭ аҟазшьақәа змоу усзуҩцәоуп аҩныҵҟатәи аусқәа русбарҭақәаҟны аус зуа.

Шәара Азакәан, ауаажәларратә зинлеишәа, ашәарҭадара ахьчара шәнапы иануп. Шәара аҭакԥхықәра ду шәыдуп шәаԥхьа иҟаз аиҳабацәа иаԥырҵаз атрадициа шьахәқәа реиқәырхаразы, рықәныҟәаразы.

  Аҩныҵҟатәи аусқәа русбарҭақәа есқьынгьы ирдыруазароуп ауаажәларра зықәгәыӷуа усзуҩцәаны ишыҟоу. Дарбанзаалак ипрофессионализм зеиԥшроу еиԥш ауп Аԥсны атәылауаа азинхьчаратә усбарҭақәа рганахь ироуа агәрагарагьы шыҟало.

Сара агәра згоит иахьа инашәыгӡо аус адурра, агәымшәара, ахамеигӡара Аԥсны Аҳәынҭқарра аҩныҵҟатәи аусқәа русбарҭақәа русура шьаҭас ишаиуа аԥхьаҟагьы!
Иахьа Аԥсуа милициа 100 шықәса ахыҵра амш аҽны ҳаҭырла иаҳгәалаҳаршәоит змаҵура анагӡараан иҭахаз. Урҭ ргәалашәара лаша есқьынгьы ҳгәаҿы иҟазаауаеит.

Амилициа аветеранцәа иҭабуп ҳәа расҳәарц сҭахуп ламысла инарыгӡоз рмаҵзуразы, хәы змаӡам рԥышәа ахьрымардаз рышьҭахь иааиз аҿар, ирзеиӷьасшьоит агәабзиара, анасыԥ.


Ҳаҭыр зқәу аҩныҵҟатәи асуқәа русбарҭақәа русзуҩцәа, абри аныҳәамш азы ишәзеиӷьасшьоит азанааҭтә еихьӡарақәа, аҭынчра, ахирра агымзааит есқьынгьы ишәзыԥшу шәыҩнаҭақәа рҿы"


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org