Аҧсны Аҳәынҭқарра Ахада

 

Ахада Ш.ХЬ. Салаҟаиа иԥсҭазаара иалҵра инамаданы иуацәеи иҭынхацәеи дрыдышшылеит

09.11.2021

Аԥсны Аҳәынҭқарра Ахада Аслан Бжьаниа еицырдыруа аԥсуа фольклорист, афилологиатә ҭҵаарадыррақәа рдоктор, академик, акритик, алитератураҭҵааҩ Шоҭа Хьыч-иԥа Салаҟаиа иԥсҭазаара иалҵра инамаданы иуацәеи иҭынхацәеи дрыдышшылеит.

Адышшылара атекст аҟны, ҷыдала, иҳәоуп:

«Гәалсра дула срыдышшылоит зыԥсҭазаара иалҵыз афилологоиатә ҭҵаарадыррақәа рдоктор, апрофессор, академик, «Ахьӡ-Аԥша» аорден аҩбатәи аҩаӡара занашьоу, адунеи зыхьӡ адыруа аҵарауаа, афольклористцәа ируаӡәкыз аҵарауаҩ ду Шоҭа Хьыч-иԥа Салаҟаиа иуацәеи иҭынхацәеи.

Аԥсуа ҭҵаарадырра дацәыӡит ааԥсара ззымдыруаз, зыҭҵаарадырратә усура ган рацәала еибыҭаз, абаҩхатәра ду злаз аҵарауаҩ ду. Уи иусумҭақәа аҭыԥ чыда ааныркылоит аԥсуа ҭҵаарадырра аҿиараҟны, ицхыраагӡа духоит аԥхьаҟа игыло абиԥарақәа рзы.

Шоҭа Хьыч-иԥа Салаҟаиа аԥсуа жәлар ргәалашәараҟны дынхоит зхы-зыҧсы аԥсуа ҭҵаарадырра, акультура арҿиара иазкыз иналукааша аҵарауаҩ иаҳасабала».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org