Аслан Бжьаниа Адыгеиа Ареспублика Актәи Ахада А.Џьаримов Иирамш идиныҳәалеит

Аԥсны Аҳәынҭқарра Ахада Аслан Бжьаниа Адыгеиа Ареспублика Актәи Ахада Аслан Али-иԥа Џьаримов Иирамш идиныҳәалеит.

Адныҳәаларатә текст аҟны иҳәоуп:

«Ҳаҭыр қәу Аслан Али-иԥа,

Шәирамш инадҳәаланы исҭахуп гәык-ԥсык ала сшәыдныҳәаларц!  

Шәара шәнысымҩа – хамеигӡарада Аԥсадгьыли ажәлари рышҟа абзиабаразы иҿырԥшыгоуп.

Шәара зыԥсҭазаара зегьы Адыгеиа Ареспублика аҿиара иазыкыз, иҟәыӷоу, ахара иԥшуа политикуп, ҳәынҭқарратә усзуҩуп.

Ҳаҭыр қәу Аслан Али-иԥа, Аԥсны Аҳәынҭқарраҟны ахааназы ирхашҭраны иҟаӡам аԥсуа дгьыл аҟны аҭынчреи аиашареи рышьақәыргылара, иара убас аԥсуа-адыга еизыҟазаашьақәа рырӷәӷәара рус аҟны шәлагаламҭа.

Абри аныҳәамш аҽны, ҳаҭыр зқәу Аслан Али-иҧа, ишәзеиӷьасшьоит агәабзиара, агәамч, анасыԥ!"


Возврат к списку