Аҧсны Аҳәынҭқарра Ахада

 

Аслан Бжьаниа Д. Н. Козак Иирамш идиныҳәалеит

07.11.2021

Аԥсны Аҳәынҭқарра Ахада Аслан Бжьаниа Урыстәылатәи Афедерациа Ахада Иадминистрациа Анапхгаҩы Ихаҭыҧуаҩ Д. Н. Козак Иирамш идиныҳәалеит.

Адныҳәалара атекст аҟны иҳәоуп:

"Ҳаҭыр зқәу Дмитри Николаи-иҧа!

Гәык-ԥсык ала ишәыдысныҳәалоит Шәирамш!

Шәара шәыпрофессионализм ҳаракы, шәнапы иану аус адырра, аҧсҭазаара иалашәырҵәо аидеиа ҿыцқәа ирыбзоураны Урыстәылатәи Афедерациаҿеиԥш уи анҭыҵгьы ишәықәырҵо аҳаҭыр ду шәаҧсахеит. Иахьа Шәара ишәымоу аҧышәа дуи аҧсҭазааратә ҟәыӷареи еинырнааланы хархәара анашәҭо аамҭа шәҭагылоуп.

Агәра згоит Шәара шәхықәкы, шәыпринципра, шәпатриотизм аҧхьаҟагьы аурыс жәлар  рымаҵ аура хаҳарыла ишазышәкуа.

Иалкааны иазгәасҭарц сҭахуп, ҳаҭыр зқәу Дмитри Николаи-иҧа, Аҧсны Аҳәынҭқарреи Урыстәылатәи Афедерациеи рыбжьара аусеицзура аҿиараҟны инашәыгӡо ароль.

Абри аныҳәамш аҽны, ҳаҭыр зқәу Дмитри Николаи-иҧа, ишәзеиӷьасшьоит агәабзиара, агәамч, шәҿаҧхьа иқәгылоу шәхықәкқәа рынагӡараҿы аихьӡарақәа!"


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org