Аҧсны Аҳәынҭқарра Ахада

 

Ахада аиҧылара мҩаҧигеит Аҧсны араионқәеи ақалақьқәеи радминистрациақәа рхадацәа алархәны

22.10.2021

Аԥсны Аҳәынҭқарра Ахада Аслан Бжьаниа аиҧылара мҩаҧигеит Аҧсны араионқәеи ақалақьқәеи радминистрациақәа рхадацәа алархәны.

Аиҧылара иалахәын Ахада Ихаҭыҧуаҩ Бадра Гәынба, Ахада Иадминистрациа Анапхгаҩы Алхас Кәыҵниа, аҧыза-министр Алеқсандр Анқәаб, афинансқәеи аекономикеи рминистрцәа Владимир Делбеи Кристина Озгани, ашәахтәқәеи аизгақәеи рминистр Џьансыхә Нанба.

Ирылацәажәан ашәахтәқәа реизгараҟны иҟоу аҭагылазаашьа, уи амҩаԥысшьа, афымцамч азы ауал  ауал аҩаӡара, аинвестпрограммала ишьақәдыргыло аобиектқәа ирызку, амҩатә инфраструктура, аӡымҩангара, ацрыҵцарҭақәа; априватизациа зызу аобиектқәа иахьатәи рҭагылазаашьеи араионқәа рыҟны аинвестициақәа радԥхьалареи, Ковид-19 ачымазараҿкы инамаданы атәылаҿы иҟоу аҭагылазаашьеи аҭыҧантәи амчрақәа уи аиӷьтәразы имҩаҧырго аусқәеи ирызку азҵаарақәа.

Арегионқәа рнапхгаҩцәа Ахада адырра ирҭеит излацәажәоз азҵаарақәа инарыдҳәаланы аҭыҧан аҭагылазаашьа зеиҧшроу азы.

Аиҧылараҿы Ахада иазгәеиҭеит атәыла аекономика аинвестициа адԥхьалара ԥыжәара шаҭатәу атәы.

Аиҧылара аихшьалақәа  рыла Аслан Бжьаниа арегионқәа рнапхгаҩцәа адҵақәа риҭеит напхгара зырҭо ақалақьқәеи араионқәеи рыҟны аҭагылазаашьа нҭырҳәыцааны аҭҵаареи уи хылаԥшра аҭареи рзы.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org