Аҧсны Аҳәынҭқарра Ахада

 

Ахада афымцакаҭатә нхамҩа аобиектқәа рышҟа аусуратә ныҟәара мҩаԥигеит

20.10.2021

Ахада афымцакаҭатә нхамҩа аобиектқәа рышҟа аусуратә ныҟәара мҩаԥигеит

Ажьырныҳәамза 20 рзы Аԥсны Аҳәынҭқарра Ахада Аслан Бжьаниа 2020-2022 шш. Аԥсны Аҳәынҭқарра асоциалтә-економикатә ҿиара ацхрааразы аинвестпрограмма иалоу афымцакаҭатә нхамҩа аобиектқәа рышҟа аусуратә ныҟәара мҩаԥигеит.  

Аҳәынҭқарра Ахада ицын ИАН «Амшынеиқәафымцамч» Адиректор хада ин.н.Ҭенгиз Гырџьынба, аԥыза-министр ихаҭыԥуаҩ, аекономика аминистр Кристина Озган,   Гагра араион Администрациа ахада Иура Хагәышь.

Аслан Бжьаниа даҭааит ҳазҭагылоу аамҭазы арҽеиратә усурақәа ахьымҩаԥысуа аиҵастанциа "Бзыԥ-220". Ари аиҵастанциа ареспубликаҟны иҟоу астанциа дуқәа ируакуп. Уи аиҭашьақәыргылара ахарџьԥса иартәоит - 540 млн. мааҭ. Урҭ рахьтә амыруга иазԥхьагәаҭоуп 440 млн. мааҭ, иаанхаз ахәҭа аргылара-монтажтә усурақәа рымҩаԥгара иазкхоит. Уажәы ари иазку ахархәагақәа рахьтә абжеиҳарак хархәара аҭоуп. Иаҭаху аусурақәа зегьы рымҩаԥгара анаҩс 80-90 МВт амчхаралшара змоу
Аиҵастанциа иреиҳаӡоу аидара иартәароуп 250МВт. Арҿыцратә усурақәа рхыркәшара азгәаҭоуп 2022 шықәса анҵәамҭазы.

Иара убас Ахада дахәаԥшит ҳазҭоу ашықәс азы аԥша бааԥс аныҟала амашәыр ӷәӷәа ахьыҟалаз аиҭашьақәыргыларатә усурақәа шцо Аҳаиртә цәаҳәа «Ԥсоу-220» аҟны.«Амшынеиқәафымцамч» Адиректор хада ин.н. Ҭенгиз Гырџьынба адырра ҟаиҵеит иҿыцу ашьаҟақәа хәба шышьақәыргылоу азы.

Анаҩс Ахада даҭааит аиҵастанциа «Гьечрыԥшь». Аԥыза-министр, аекономика аминистр  Кристина Озган Ахада иалҳәеит ари аиҵасҭанциа «Атехнопарк» фымцала аиқәыршәаразы хархәара аҭара шазгәаҭоу. Аха уи азы даҽа станциак шыргылатәу мамзаргьы ари амчхара рӷәӷәатәуп. "Урыстәылатәи Афедерациа анапхгара шәанрыдҵаала ашьҭахь, Аԥсныҟа иааит Интер УАУ аспециалистцәа ргәыԥ. Урҭ аус зуа асхьемақәа ирыдҳәаланы афымцамч анагаразы атехникатә лшара ҭырҵаауан. Еиҳа иудукыло вариантуп  - афымцеихшарҭа "Гьечрыԥшь" - лҳәеит Кристина Озган.

Аҳәынҭқарра Ахада ибеит Гагра ақалақь апринц Ольденбургтәи ибаҳчаҿы аиҭашьақәыргыларатә усурақәа шцо. Арҿыцратә усурақәа мҩаԥысуеит Аҧсны Аҳәынҭқарра Асоциалтә-економикатә ҿиара аинвестпрограмма аҳәаақәа ирҭагӡаны.

Шьаҭанкылатәи аргылара аусбарҭа аиҳабы Ҭемыр Агрба аҳәынҭқарра Ахада еиҳәеит  абаҳчаҿы ашьаҟамҩатә хаҳә ақәҵареи алашарбагатә шьаҟақәа рышьақәыргылареи рыда егьырҭ аусурақәа зегьы шхыркәшоу, иҳәеит амаҭәахәқәа зегьы шаахәоу. Афымцацәаҳәақәа зегьы ҧсахуп, алашарбагатә маҭәахәқәа амонтаж рзыруеит, абаҳчаҿи аҧшаҳәаҿи ахаҳәцәы ықәырҵоит.

Аслан Бжьаниа дазҵааит абаҳчаҿы ианаамҭаз аусурақәа зхыркәшамыз.

"Аиқәшаҳаҭра иаҵаҩын 2018 ш.рзы. Раҧхьатәи афинанстә цхыраара аанкылан 2020 ш. Ҳарҭ апроект-харџьынҵатә документациа арҽеирақәа алаҳгалар акәхеит, избанзар аханатә акоммуникациақәа ҳәа акагьы азгәаҭамызт. Ҳара ахарџьынҵа ҿыц шьақәҳаргылеит, уа иахәҭаз зегьы аҳарбеит. Аҩынтәраан азинтәкомиссиабжьара аицхантәаҩцәа рыӡбамҭала афинанс азбжа Урыстәылатәи Афедерациа аҟынтә афымцамчы аагара ахә ахшәаарахьы идәықәҵан. Ҳаҧшыр акәхеит аҭагылазаашьа ҟалаанӡа",- иҳәеит Ҭемыр Агрба. Апарк аҟны аусурақәа рхыркәшара азгәаҭоуп ашықәс анҵәамҭазы.

Аслан Бжьаниа аҧыза-министр ихаҭыҧуаҩ, аекономика аминистр Кристина Озган илыдиҵеит ахыбрақәа рзы аҭакԥхықәра здыз афирмақәа ареестр алгара рус ахьырзынамыгӡаз азы, избанзар русура рзынамыгӡеит, аҳәынҭпроектқәа рахь инашьҭымзааит ҳәа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org