Ахада Шьамтәылатәи Арабтә Республикаҟны иҟалаз арыцҳара инамаданы Башар-аль-Асад ишҟа ацҳамҭа ишьҭит


Аԥсны Аҳәынҭқарра Ахада Аслан Бжьаниа Шьамтәылатәи Арабтә Республикаҟны иҟалаз арыцҳара инамаданы Ахада Башар-аль-Асада ишҟа ацҳамҭа ишьҭит.


"Шәара шәахь исымоу аҳаҭыр шьақәырӷәӷәо, Шьамтәылатәи Арабтә Республика  аҳҭнықалақь Дамаск иҟалаз атерракт инамаданы гәыла-ҧсыла сшәыдгылоуп. Аҧсны Аҳәынҭқарраҿы Шьамтәыла аҭыҧ змаз арыцҳара ауаажәларра гәалсра дула ирыдыркылеит, иагьақәыӡбоит. Аҳәара ҟасҵоит иҭахаз рҭаацәа ҳашрыдгыло ала, иара убас ааха зауз иаарласны агәабзиара роурц азеиӷьашьара шыҟаҳҵо азы адырра рышәҭарц".


Возврат к списку