Аҧсны Аҳәынҭқарра Ахада

 

Имҩаԥысит Аслан Бжьаниеи Сергеи Шоигуи реиҿцәажәара

13.10.2021

Имҩаԥысит Аслан Бжьаниеи Сергеи Шоигуи реиҿцәажәара

Аҧсны Аҳәынҭқарра Ахада Аслан Бжьаниа Москва иусуратә ныҟәарақәа раан имҩаԥысит Урыстәылатәи Афедерациа Атәылахьчара аминистр Сергеи Шоигу иареи реиҿцәажәара .

Аиԥылараан ирылацәажәеит атәылахьчареи ашәарҭадареи инарымаданы аԥсны-урыстәылатәи аусеицура иазку азҵаарақәа жәпакы.  
«Бзиала шәаабеит ҳәа шәасҳәоит, Аслан Гьаргь-иԥа! Ҳтәылақәа рырбџьар мчқәа ирыбжьоу аизыҟазаашьақәа зыда ԥсыхәа ыҟам адокументқәа рыла еиқәыршәоуп. Ҳара ҳзы аҵак ду амоуп Аԥсны Аҳәынҭқарра арбџьар мчқәа еибыҭаны, ихианы рыҟазаара. Аринахысгьы иаҭаху хылаԥшра аҳҭалоит 7-тәи арратә база анапы иану аусқәа рынагӡара уи аҭышәынтәалареи ашәарҭадареи аиқәырхара зылшо акәны излаҟоу ала. Сара агәра ганы сыҟоуп арратә усхк аганахьала ҳтәылақәа русеицура азҵаарақәа иадымхалакәа, лыҵшәа аманы ишыӡбахало»,- иҳәеит Сергеи Шоигу.

Аҧсны Ахада Аслан Бжьаниа Урыстәыла Атәылахьчара аминистр иҭабуп ҳәа еиҳәеит аиԥыларазы.

«Сергеи Кужугет-иԥа, Шәара шәыхьӡ Аԥсны инарҭбааны ирылаҵәахьеит, иаҳа ианыуадаҩыз аамҭазы адгылара ҳашәҭеит. Аԥсны жәлар рыхьӡала, хаҭала сара сыхьӡала даҽазныкгьы иҭабуп ҳәа шәасҳәарц сҭахуп уи азы.  
Иара убас иазгәасҭарц сҭахуп  шәара ишәыбзоураны апандемиаан ҳреспубликаҟны ҩынтәны арратә хәышәтәырҭа шеиҿкааз. Шәара шәыцхыраарада ԥсыхәа ҳамамызт. Иҭабуп!», - иҳәеит Аслан Бжьаниа.

Аԥсны Ахадеи Урыстәыла атәылахьчара аусбарҭа Ахадеи Аԥсны Арбџьар мчқәа рырҿыцра ахарџьыԥса азоужьра азҵаарақәа ирылацәажәеит.    


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org