Аҧсны Аҳәынҭқарра Ахада

 

Ахада Аслан Бжьаниа Рашид Нургалиев дидныҳәалеит ииубилеитә шықәсхыҵра инамаданы

08.10.2021

Аԥсны Аҳәынҭқарра Ахада Аслан Бжьаниа Урыстәылатәи Афедерациа Ашәарҭадара ахеилак Амаӡаныҟәгаҩ ихаҭыԥуаҩ Рашид Нургалиев дидныҳәалеит ииубилеитә шықәсхыҵра инамаданы.

Адныҳәаларатә цҳамҭаҟны, ҷыдала, иҳәоуп:

«Ҳаҭыр зқәу Рашид Гумар-иԥа!  

Гәык-ҧсык ала ишәыдысныҳәалоит 65 ш.шәхыҵра иазку шәиубилеитә рыцхә.  
Шәара шәыҧсҭазаара аофицер гәымшәа изы иҿырҧшыганы иҟоуп. Еиуеиҧшым аҳәынҭқарратә маҵзурақәа рыҟны Шәара ҭакԥхықәра дула шәрызнеиуан шәнапы ианыз аҳасабтәқәа, есқьынгьы алҵшәа дуқәа раарԥшра шәылшон. Шәара шәҳәынҭқарра аинтересқәа рыхьчара шәшазыҟоу, шәыпрофессионализм, азҵаарақәа рыӡбараҟны хьаҳәа-ԥаҳәарада аус шәазнеишьа хамеигӡарада Аԥсадгьыл амаҵзуразы иҿырԥшыга бзиоуп.
--
Иҭабуп ҳәа  шәасҳәарц сҭахуп Аԥсны Ашәарҭадара Ахеилаки Урыстәыла Ашәарҭадара ахеилаки русеицура арҿиараҟны хаҭалатәи шәлагамҭазы. Урыстәылатәи Афедерациа ҳара ҳтәыла ашәарҭадареи аҭышәынтәалареи аиқәырхараҟны ҳгәыӷрақәа адаҳҳәалоит, агәра ҳгоит.

Рашид Гумар-иԥа, аҭагылазаашьа схы иархәаны ишәзеиӷьасшьар сҭахуп агәабзиара, агәамч, ақәра ду, шәнапы злаку амаҵзураҟны аихьӡарақәа.».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org