Аҧсны Аҳәынҭқарра Ахада

 

Ахада Гагра ахақәиҭтәра амш азы адныҳәалара ҟаиҵеит

06.10.2021

Аҧсны Аҳәынҭқарра Ахада Аслан Бжьаниа гаграа, иара убас Аҧсны ауаажәларра Гагра ахақәиҭтәра ҟалеижьҭеи 29 шықәса аҵра амш рыдиныҳәалеит.

Адныҳәалараҟны иҳәоуп:

"Ҳаҭыр зқәу Гаграа, ҳаҭыр зқәу  ҳауаажәлар!

Гәык-ҧсык ала ишәыдысныҳәалоит ақырҭуа мпыҵахалаҩцәа рҟынтәи Гагра ахы  иақәиҭтәуижьҭеи 29 шықәса аҵра амш.Ари арыцхә Аҧсны аҭоурых адаҟьақәа рҿы  наунагӡа иаанхоит. Ахә ашьара уадаҩуп Арбџьар мчқәа Аиааира агараҿы ирылдыршаз. Ари ахҭыс ҟалеит 1992 ш.жьҭаарамза 6 рзы.  Уи Аҧсны Аџьынџьтәылатә еибашьраҿы аҧхьаҟатәи Аиааира агара иашьагәыҭхеит, ҳауаажәлар ргәамч шьҭнахит, аӷа ҳҿаҧхьа  дшымчыдаз шьақәнарӷәӷәеит.

Ҳхырхоит аҧсадгьыл ахьчаҩцәа рҿаҧхьа. Афырхацәа ргәалашәара лаша еснагь иҳацуп, иҭабуп ҳәа раҳҳәоит анацәеи абацәеи , аамҭа уадаҩ иацыз аҧышәара ахысра зылшаз, агәаҟра ӷәӷәа зхызгаз.

Абри аныҳәа амш азы Гагра араион ауааҧсыра ирзеиӷьасшьоит аҿиара, аҭынчра, аизҳазыӷьара. Нагӡара ақәзааит Аҧсынра!"


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org