Аҧсны Аҳәынҭқарра Ахада

 

Аԥсны Аҳәынҭқарра Аиааиреи Ахьыԥшымреи 28-шықәсархыҵра азгәанаҭеит

30.09.2021

Аԥсни Алада Уаԥстәылеи рхадацәа Аслан Бжьаниеи Анатоли Бибилови Аҟәа ақ. Ахьӡ-Аԥша апарк аҟны ашәҭшьыҵәрақәа шьҭарҵеит.  

1992 – 1993 шш. Аԥсны Аџьынтәылатә еибашьраҟны иҭахаз ҳаҭырла иргәаладыршәеит  Ахада ихаҭыԥуаҩ Бадра Гәынба, аԥыза-министр Александр Анқәаб, Апараламент Аиҳабы Валери Кәарҷиа, Аԥсны иҟоу Алада Уаԥстәыла Ареспублика ацҳаражәҳәаҩ Олег Боциев, Аԥсны иҟоу Урыстәыла ацҳаражәҳәаҩ Алексеи Двинианин, апарламент адепутатцәа, аиҳабыра алахәцәа, АА Атәылахьчара аррамаҵурауаа, иҭахаз ранацәа, аибашьра аветеранцәа.  

Ашәҭшьҭаҵара ацеремониа ахыркәашара ашьҭахь имҩаԥысит Аԥсны Аҳәынҭқарра Актәи Ахада Владислав Арӡынба Алада Ешыра ақытаҿы ибаҟа амҵан, иара убас Џьгьарда ақ. аҩбатәи Ахада Сергеи Багаԥшь иԥсыжырҭаҟны ашәҭшьҭаҵара иазкыз аусмҩаԥгатә.

Ареспубликақәа рхадацәа, аиҳабыра алахәцәа, асасцәа ашәҭқәа шьҭарҵеит иҭахаз аибашьцәа рбаҟа амҵан Тамшь ақыҭан.
Анаҩс аделегациа атуристтә гәабзиарачаԥарҭатә комплекс «Тамыш-village» абаразы амҩа иқәлеит.      


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org