Аҧсны Аҳәынҭқарра Ахада

 

Аԥсны Аҳәынҭқарра Ахада Аслан Бжьаниа Алада Уаԥстәыла Ареспублика Ахада Анатоли Бибилов дидикылеит

30.09.2021

Аԥсны Аҳәынҭқарра Ахада Аслан Бжьаниа Алада Уаԥстәыла Ареспублика Ахада Анатоли Бибилов официалла дидикылеит.

Имҩаԥысит ҩ-ҳәынҭқаррак рхадацәа официалтә ҟазшьа змаз реиԥылара. Алада Уаԥстәыла Ахада ихьӡала иқәыргылан аҳаҭыртә ҟарул.

  Аслан Бжьаниа Анатоли Бибилов иҭабуп ҳәа еиҳәеит Аԥсназы аҵак ду змоу амш аҽны иааразы. «Ари амш аҵак ду амоуп Аԥсны жәлар рзеиԥш Аҩадатәи Кавказ ажәларқәа рызгьы, иара убас Алада Уаԥстәыла иқәынхо ҳашьцәа ауааԥсаа рзы. Ари амш аҽны ара шәахьҳадгылоу ҳара ҳзы акыр иаԥсоуп ҳәа исыԥхьаӡоит. Бзиала шәаабеит ҳәа шәасҳәоит!» – иҳәеит Аслан Бжьаниа.

Анатоли Бибилов Аԥсны жәлар ирыдиныҳәалеит аҳәынҭқарратә ныҳәа хада – Аиааиреи Ахьыԥшымреи рымш. «Ҳәарада, Аиааира амш – ныҳәа дууп, ари аныҳәа атрагеидиатә хҭысқәа, аԥсыҭбарақәа ишрыдҳәалоугьы, убас шакәугьы ари Аԥсны Аџьынџьтәылатә еибашьраан игаз Аиааира амш ауп. Шәара аԥхьа шәнаргыланы, аԥсуа жәлар зегьы ирыдысныҳәалоит ари амш, ишәзеиӷьасшьоит аиааирақәа зегьы рыҟны, шәҳәынҭқарра аҿиара ахырхарҭақәа зегьы рҿы», – иҳәеит Бибилов.

Ареспубликақәа рхадацәа агәаларшәагатә ҳамҭақәа еимырдеит. Аԥсны Ахада Анатоли Бибилов ҳамҭас ииҭеит аԥсуа сахьаҭыхҩы-аҟаза Ҭемыр Ӡиӡариа иҟаиҵаз аԥсуа ҳәызба.  А. Бибилов А. Бжьаниа ҳамҭас ииҭеит ацқьа Гьаргь иныхачаԥа. «Ҳара ҳаҟны, Ауаԥстәылаҿы ацқьа Гаргь ахацәа, аибашьцәа дырхылаԥшуеит ҳәа иԥхьаӡоуп. Убас иҟоу ахацәа шәыруаӡәкқәоуп Шәаргьы аԥсуа хацәақәагьы, зыԥсадгьыл зыхьчаз!», - иҳәеит Алада Уаԥстәыла Ахада.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org