Ахада Аҧсны Аҳәынҭқарра Аҳазалхратә еилакы 30 ш. ахыҵра амш инамаданы адныҳәалара ҟаиҵеит

Ахада Аҧсны Аҳәынҭқарра Аҳазалхратә еилакы 30 ш. ахыҵра амш инамаданы адныҳәалара ҟаиҵеит

Аҧсны Аҳәынҭқарра Ахада Аслан Бжьаниа Аҧсны Аҳәынҭқарра Аҳазалхратә еилакы 30 ахыҵра амш инамаданы адныҳәалара ҟаиҵеит.

Адныҳәалараҟны иҳәоуп:

"Ҳаҭыр зқәу Аҧсны Аҳәынҭқарра Аҳазалхатә еилакы аусзуцәеи аветеранцәеи!

Ишәыдысныҳәалрит аиубилеитә рыцхә, Аҧсны аҳәынҭқарра Аҳазалхратә маҵзура аҧҵоижьҭеи 30ш. аҵра амш.
1991 ш.цәыббрамза 27 рзы Владислав Арӡынба  хантәаҩра ззиуаз Аҧснытәи АССР Иреиҳаӡоу Асовет ақәҵара аднакылеит Аҧсны аҳазалхратә усбарҭақәа  раҧҵаразы.

Абри аамҭа иалагӡаны Аҧсны Аҳәынҭқарра  Аҳазалхратә маҵзура алагала ду ҟанаҵеит аекономикатә шәарҭадара арӷәӷәараҟны, атәыла амилаҭтә интересқәа рыхьчараҟны, аҳәынҭқарра абиуџьеттә хашәалақәа рхарҭәааразы.

Ҳара ҳҳазалхыҩцәа еснагь ишақәнагоу еиҧш, хаҵарыла Аҧсадгьыл аинтересқәа рыхьчон. Урҭ рахьтә аӡәырҩы Аҧсны ахақәиҭтәра рхы ақәырҵеит.

Аибашьра ашьҭахь иуадаҩыз аамҭақәа раан аҳазалхра аусзуҩцәа еснагь ашәарҭара иҭагылан хыҧхьаӡара рацәала Қыртәылантәи иҭалоз адиверсиатә-террористтә гәыҧқәа ианырҿагылаз. Убас, Аҧсны аҳәынҭқарратә ҳазалхратә еилакы аусзуцәа 20-ҩык инареиҳаны рзанааҭтә маҵзура анагӡараан иҭахеит.

Ашәарҭадара анаҩсгьы, аҧсуа ҳазалхра аусзуҩцәа жәларбжьаратәи ембаргои адунеи аҟәыҭхареи ҳанҭагылаз уи аиааирагьы рылдыршахьан.

Аҭагылазаашьа уадаҩқәа раангьы Аҧсны аҳәынҭқарратә ҳазалхратә еилакы аҿиара еиҧымҟьаӡакәа, иалнаршеит жәларбжьаратәи астандартқәеи ҳазҭагылоу аамҭеи инарықәыршәаны аихьӡарақәа раарҧшра. Ҷыдала, иуҳәозар, аҳазалхратә еиқәыршәареи напхгараҭареи рыҟны иахьатәи атехнологиақәа рхархәара,
жәларбжьаратәи аекономикатә усеицзура аҧҵаразы аҭагылазаашьа бзиақәа раҧҵара.

   Аҧснытәи аҳазалхратә еилакы аусзуцәа, аветеранцәа, ишәзеиӷьасшьоит агәабзиара, агәамч, аихьӡарақәа, Аҧсны Аҳәынҭқарра амилаҭтә интересқәа рымаҵ аураҿы ақәҿиара ҿыцқәа".


Возврат к списку