Ахада Адҵа инапы аҵаиҩит Иу. Н. Воронов диижьҭеи 80 шықәса аҵра иазку аиубилеитә усмҩаԥгатәқәа разырхиареи рымҩаԥгареи рзы Аҳәынҭқарратә Комиссиа аԥҵаразы

Аԥсны Аҳәынҭқарра Ахада Аслан Бжьаниа Адҵа инапы аҵаиҩит иналукааша аҵарауаҩ, аҳәынҭқарратә усзуҩы Иу. Н. Воронов диижьҭеи 80 шықәса аҵра иазку аиубилеитә усмҩаԥгатәқәа разырхиареи рымҩаԥгареи хықәкыс иҟаҵаны рзы Аҳәынҭқарратә Комиссиа аԥҵаразы.
                                        Адҵа
Иналукааша аҵарауаҩ, аҳәынҭқарратә усзуҩы, "Ахьӡ-Аҧша" аорден I аҩаӡара занашьоу Иури Николаи-иҧа Воронов диижьҭеи 80 ш.аҵра иазку аиубилеитә усмҩаҧгатәқәа разырхиареи рымҩаԥгареи хықәкыс иҟаҵаны иаԥҵазааит Аҳәынҭқарратә комиссиа абри аилазаарала:
Гәынба Б. З. - Аҧсны Аҳәынҭқарра Ахада Ихаҭыҧуаҩ - Аҳәынҭқарратә  комиссиа ахантәаҩы;
Ашәба А. Е.- Д.И.Гәлиа ихьӡ зху  Аҧсуаҭҵааратә институт адиректор;
Бӷажәба О.Хә. – Аԥсны Аҭҵаарадыррақәа ракадемиа академик, Д.И.Гәлиа ихьӡ зху  Аҧсуаҭҵааратә институт аҭоурых аҟәша аиҳабы;
Воронова С.В. – Воронов Иу.Н. ихьӡ зху Аҭҵаарадырра-культуратә центр Ахантәаҩы;  
Гәарамиа А.А. – Аԥснытәи аҳәынҭқарратә университет аректор;
Џьапуа З.Џь. – Аԥсны Аҭҵаарадыррақәа ракадемиа Ахада;  
Џьапуа А.И. – Аԥснытәи аҳәынҭқарратә музеи адиректор;
Сангәлиа Г.А. – Аԥсны Аҳәынҭқарра акультура аминистр ихаҭыԥуаҩ;
Шамба С.М. – Аԥсны Аҳәынҭқарра Ашәарҭадара Ахеилак Амаӡаныҟәгаҩ;  
Ешба Б.Ф. – Аҟәа ақ. администрациа ахада.



Возврат к списку