Ахада Сергеи Мениаило Аҩадатәи Уаԥстәыла Ареспублика Ахадас иалхра идиныҳәалеит

Аԥсны Аҳәынҭқарра Ахада Аслан Бжьаниа Сергеи Мениаило Аҩадатәи Уаԥстәыла Ареспублика Ахада имаҵурахьы иалхра идиныҳәалеит .

"Ҳаҭыр зқәу Сергеи Иван-иԥа!
Гәык-ԥсыкала ишәыдысныҳәалоит Аҩада Уаҧстәыла-Аланиа Ареспублика Ахада имаҵурахьы шәалхра.

Аӡәк еиҧш еицҿакны Шәара шәкандидатура иарҭаз адгылара шаҳаҭра ауеит шәҧышәеи, шәыпрофессионализми, ишәҟазшьоу апринципреи  
иарҭо агәрагара атәы.

Сергеи Иван-иҧа, ишәзеиӷьасшьоит агәабзиара, агәамч, шәнапы иану ҳаиашьаратә ауаҧс жәлар реизҳазыӷьара аус аҟны шәыгәҭакқәа зегьы рынагӡара!"


Возврат к списку