Аҧсны Аҳәынҭқарра Ахада

 

Аслан Бжьаниа Хосе Даниель Ортега Сааведра амилаҭтә ныҳәа идиныҳәалеит

15.09.2021

Аԥсны Аҳәынҭқарра Ахада Аслан Бжьаниа Ареспублика Никарагуа Ахада Хосе Даниель Ортега Сааведра амилаҭтә ныҳәа идиныҳәалеит.

«Шәаҳаракыра!

Аԥсны жәлари Аԥсны Аҳәынҭқарра анапхгареи рыхьӡала азин сышәҭозар, гәык-ԥсыкала ишәыдысныҳәалоит шәмилаҭтә ныҳәа – Никарагуа Ареспублика  ахьыԥшымра 200 шықәса ахыҵра амш.

Аԥсны Аҳәынҭқарраҟны ахә ҳаракны иршьоит ҳҳәынҭқаррақәа рыбжьара ишьақәгылаз аиҩызаратәи агәреибагаратәи еизыҟазаашьақәа.  

Ҳара агәра ҳгоит ҳпозициақәеи ҳинтересқәеи рзеиԥшра, жәларбжьаратәи аусеицура азҵаара хадақәа рганахьалагьы, ишалнаршо аԥхьаҟагьы Аԥсни Никарагуеи  рыбжьара ҳажәларқәа реизҳазыӷьара иазку астратегиатә усеицура арҿиара!

Шәаҳаракыра, акрызҵазкуа ари амш аҽны  ишәзеиӷьасшьарц сҭахуп агәабзиара, аҭакԥхықәра ду зцу шәусураҟны аихьӡарақәа, Ареспублика Никарагуа иқәынхо ҳаиашьаратә жәлар – аҭынчра, аҿиара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org