Аҧсны Аҳәынҭқарра Ахада

 

Аслан Бжьаниа Ҟабарда-Балкариа Ахада Ареспублика амш идиныҳәалеит

01.09.2021

Ҳаҭыр зқәу Казбек Валери-иҧа!

Аҧсны Аҳәынҭқарра ауаажәларра рыхьӡала, хаҭала сара сыхьӡала, ишәыдысныҳәалоит аҵак ду змоу аныҳәа - Ареспублика амш.

Ҟабарда-Балкариа аҭоурых ду, аҧсабара ссир змоу аҟны инхоит асасдкылара злоу ауаа.

Шәара шәнапхгарала, аиашьаратә Республика иқәынхо аџьабзиабара злоу атәылауаа ирыбзоураны, Ҟабарда-Балкариа есҽны аҽеиҭанакуеит.
Имҩаԥысуеит амҩақәа, ахәыҷбаҳчақәа, ашколқәа, акультуратә ханқәа рыргылара, иҿиоит агәабзиарахьчареи атуризми, раԥҵара иаҿуп аҭыҧ ҿыцқәа.
Ахә ашьара уадаҩуп ҭоурыхла ишьақәгылаз, аамҭеи алахьынҵеи рыла иԥышәоу ҳажәларқәа ирыбжьоу аизыҟазаашьақәа рҵакы.  

Ҳарҭ ахааназы ҳаҭырла ҳарзыҟоуп хатәгәаҧхарала еибашьуаз, бџьаршьҭыхла ҳаҧсадгьыл Аԥсны ҳацзыхьчаз.

Абри аныҳәа амш аҽны, ҳаҭыр зқәу Казбек Валери-иҧа, ишәзеиӷьасшьоит агәабзиара, агәамч, аҭакҧхықәра зцу амаҵураҟны аихьӡарақәа, Ҟабарда-Балкариа инхо ҳаиашьаратә жәларқәа аҭынчра, аҭышәынтәалара, аизҳазыӷьара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org