Аҧсны Аҳәынҭқарра Ахада

 

Аҧсны Аҳәынҭқарра Ахада Аслан Бжьаниа аҵаҩцәеи, арҵаҩцәеи, аҭаацәеи ирыдиныҳәалеит аҵарашықәс ҿыц алагамҭа

01.09.2021

Аҧсны Аҳәынҭқарра Ахада Аслан Бжьаниа аҵаҩцәеи, арҵаҩцәеи, аҭаацәеи ирыдиныҳәалеит аҵарашықәс ҿыц алагамҭа

Аҧсны Аҳәынҭқарра Ахада Аслан Бжьаниа аҵаҩцәеи, арҵаҩцәеи, аҭаацәеи ирыдиныҳәалеит аҵарашықәс ҿыц алагамҭа

"Акыр иаҧсоу аҵаҩцәа, арҵаҩцәа, аҭаацәа!

Гәык-ҧсык ала ишәыдысныҳәалоит аҵарашықәс ҿыц алагара амш!  Ари амш аҵак ду амоуп зегьы ҳзын. Раҧхьатәи аҵәҵәабжьы иацны иаҳзааиуеит аныҳәа, уи наунагӡа ҳаҧсҭазаараҿы инхоит, уи иацзаауеит ҳхәыҷра иазкыу агәалашәарақәа, ҳарҵаҩцәа ргәыблыра, урҭ ирҿаҳҵааз адырра, иҳауз аҧышәа.
Адырра амш лымкаала аҵак амоуп раҧхьаӡа акәны ашкол ахь зшьапы еихызго ахәыҷқәа рзы. Урҭ имҩаҧыргоит иахьа раҧхьатәи аурок. Исҭахәуп аманшәалареи, ақәҿиара дуқәеи ацзарҵ иахьа изныло амҩа ду.

Срыдныҳәалоит аҿар рааӡара знапы иану, ҳаҭыр ду зқәу ҳарҵаҩцәа. Даҽа аамҭанык иеиҧшымкәан шәара ишәыдуп аҭақҧхықәра ду. Ахәыҷқәа аҵарадырра рыҭара инаваргыланы лымкаала ахылаҧшра рышәҭароуп. Макьана  имцац адунеи зымҽхазкыз ачымазара ковид иацу ашәарҭара, иҳамазароуп агәҽанызаарпа, хрықәныҟәалароуп аҳақьымцәа рабжьгарақәа.

Адырра амш иара убас ирыдысныҳәалоит иреиҳаӡоу аҵараиурҭақәа рыстудентцәа, абжьара-заанаҭтә ҵараиурҭақәа рҿы здырра аззырҳауа.   Иҳазгәакьоу  аҿар, шәара шәоуп знапы иану ҳаҧсадгьыл уаҵәтәи аҧеиҧш. Уи анырра арымҭар залшом аҵарахьы иаашәырҧшуа агәцаракра, ишәырҳауа адырра. Ишәзеиҕьысшьоит агәабзиара, ақәҿиара дуқәа, анасыҧ лаша.

Ҳаҭырла,
Аслан Бжьаниа,
Аҧсны Аҳәынҭқарра Ахада."


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org