Аҧсны Аҳәынҭқарра Ахада

 

Ахада Урыстәылатәи Афедерациа Аԥыза-министр Ихаҭыԥуаҩ Мараҭ Хуснуллин Иира амш идиныҳәалеит

09.08.2021

Аҧсны Аҳәынҭқарра Ахада Аслан Бжьаниа Урыстәылатәи Афедерациа Аиҳабыра Ахантәаҩы Ихаҭыԥуаҩ Мараҭ Хуснуллин 55 шықәса ихыҵра амш идиныҳәалеит .
Адныҳәаларатә текст аҟны, ҷыдала, иҳәоуп:

"Ҳаҭыр зқәу Мараҭ Шақьирзиан-иԥа!

Аԥсны Аҳәынҭқарра анапхгара ахьӡала, хаҭала сара сыхьӡала гәык-ԥсык ала ишәыдысныҳәалоит 55-шықәсашәхыҵра аиубилеи.

Шәара зажәа еилазымго, апрофессионал, аҟыбаҩ бзиа змоу анапхгаҩы иаҳасабала шәхы аашәырԥшхьеит.

Ахәынҭқарратә усура аамҭақәа зегьы раан Шәара шәбаҩхатәра, шәԥышәа, шәгәамч зегьы аԥсадгьыл аинтересқәа рыхьчара иазкын, убри алагьы аҳаҭырқәҵареи ахьӡ ҳараки шәаԥсаны шәҟалеит.  

Ҳаҭыр змоу аргылаҩ изанааҭ шәнапаҟны иааганы, Шәара шәхы жәдыруа шәаныҟала инаркны аизҳазыӷьара аус шәнапы алакуп.

Ҳара ахә ҳаракны иаҳшьоит ҳтәылақәа рыбжьара ишьақәгылаз аизыҟазаашьақәа, агәрагьы ҳгоит аԥхьаҟагьы Шәара иҟашәҵо адгыларала ҳусеицура амҽхак есааира арҭбаара, Аԥсны асоциалтә-економикатә ҿиараҟны акрызҵазкуа алҵшәақәа риура шҳалшо.

Мараҭ Шьақирзиан-иԥа, абри аныҳәамш аҽны гәыкала ишәзеиӷьасшьоит агәабзиара, ахирра Шәаргьы ишәзааигәоу шәҭынхацәагьы, аихьӡарақәа аҭакԥхықәра зцу аусураҟны».    


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org