Аҧсны Аҳәынҭқарра Ахада

 

Аслан Бжьаниа зхадараҿы дыҟоу аҧснытәи аделегациа агәалашәаратә акциа иалахәын

07.08.2021

Аслан Бжьаниа зхадараҿы дыҟоу аҧснытәи аделегациа агәалашәаратә акциа иалахәын

Алада Уаҧстәыла Ареспубликаҿы 2008 ш. нанҳәамзазтәи аибашьра иалаӡыз ргәаладыршәоит.

Иахьа ахәылбыҽха Зара амҩа аханы "Иццышәыртәыз аҧсқәа рмузеи" аҟны имҩаҧысит агәалашәаратә акциа.

"Агәырҩа асимвол" Амонумент аҟны алахьеиқәҵаратә музыка абжьы зцыз ашәҭшьҭаҵара ацеремониа иалахәын: Аԥсны Ахада Аслан Бжьаниа, Аладатәи Уаҧстәыла-Аланиа Ахада Анатоли Бибилов, Аҩадатәи Уаҧстәыла - Аланиа аамҭала Ахада инапынҵақәа назыгӡо Сергеи Мениаило, Алада Уаҧстәыла иҟоу Урыстәыла Афедерациа Иҷыдоуи Азинмчызмоуи Ацҳаражәҳәаҩ Мараҭ Кулахметов, Алада Уаҧстәыла актәии ахҧатәии Ахадацәа Лиудвиг Чибиров, Леонид Тибилов, ауаажәларра, иҭахаз рҭынхацәа.

Азгәаҭа: 13 ш. раҧхьа аҭынч уааҧсыра рыҧсҭазаара аиқәырхаразы ибылуаз Цхьынвал ааныжьны «аҧсҭазаара амҩала» рҿанынарха, ақырҭуа архәҭақәа урҭ ирыхьӡаны аӡәаӡәала инарҿагыланы иреихсны иршьуан.

Уажәы ари аҭыҧ аҟны иҟоуп иблу автомашьынақәа рыла иаарԥшу «Иццышәыртәыз аԥсқәа рмузеи".


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org