Аҧсны Аҳәынҭқарра Ахада

 

Цхьынвал ақ. аҿы имҩаԥысит Аԥсны Аҳәынҭқарреи Алада Уаԥстәылеи рхадацәа рофициалтә еиԥылара

07.08.2021

Цхьынвал ақ. аҿы имҩаԥысит Аԥсны Аҳәынҭқарреи Алада Уаԥстәылеи рхадацәа рофициалтә еиԥылара

Алада Уаԥстәыла аҳҭнықалақь – Цхьынвал ақ. аҟны Ахада иадминистрациа ахыбра аԥхьа имҩаԥысит Аԥсни Алада Уаԥстәылеи рхадацәа Аслан Бжьаниеи Анатоли Бибилови рофициалтә еиԥылара.

Аԥсны Ахада напхгара ззиуа аофициалтә делегациа Цхьынвал иаҭааит 2008 ш. нанҳәамзазы ақырҭуа агрессиа ҟалеижьҭеи 13 шықәса аҵра инамаданы агәалашәаратә усмҩаԥгатәқәа рыҽрылархәразы.

Минуҭқәак раԥхьа Аслан Бжьаниеи ицу аделегациеи цхьынвалтәи ашкол №5 ашҭаҿы иҟоу амемориалтә ԥсыжырҭаҟны ашәҭшьыҵәрақәа шьҭарҵеит.
Аԥсны аҳәынҭқарра Ахада Атеатр ашҭаҟны иԥылеит аҳаҭыртә ҟарул адоуҳатә оркестр инанагӡаз Аԥсни Алада Уаԥстәылеи ргимнқәа рарҳәарала.

Амҩа ҟаԥшь аҟны Аԥсны Ахада диԥылеит Анатоли Бибилов.

Абарҭ аминуҭқәа рзы имҩаԥысуеит Аԥсны Аҳәынҭқарреи Алада Уаԥстәылеи рхадацәа реиԥылара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org