Аҧсны Аҳәынҭқарра Ахада

 

Аслан Бжьаниа Сергеи Кириенко Иира амш идиныҳәалеит

26.07.2021

Аслан Бжьаниа Сергеи Кириенко Иира амш идиныҳәалеит

Аҧсны Аҳәынҭқарра Ахада Аслан Бжьаниа Урыстәылатәи Афедерациа Ахада  Иадминистрациа Анапхгаҩы актәи  ихаҭыҧуаҩ Сергеи Кириенко Иира амш идиныҳәалеит.
Адныҳәаларатә цҳамҭаҿы, ҷыдала, иазгәаҭоуп:

«Ҳаҭыр зқәу Сергеи Владилен-иҧа, ишәыдысныҳәалоит Шәира амш!

Шәара иахьа Урыстәыла зыхьӡ нагоу аполитикцәа шәыруаӡәкуп, акыршықәса аҳәынҭқарратә маҵзурақәа рҿы лҵшәа бзиала имҩаԥыжәго шәусура  атәыла арҿиара азҵаара хадақәа рыӡбара анырра ӷәӷәа анаҭоит.

Шәара ишәымоу анапхгараҭаратә ҧышәа, шәыпрофессионализм, шәус азнеишьа аҳәынҭқарразы алшара дуқәа раҧҵара иазкуп.  Аԥеиԥш бзиа змоу абиҧара ҿыц анапхгаҩцәа ралҧшаареи аԥхьаҟагьы занааҭла реизҳараҟны адгылара рыҭареи  хықәкыс измоу, зҵакы дуу "Урыстәыла аԥхьагылаҩцәа" захьӡу аԥхьагылаҩцәа урыстәылазегьтәи реицлабра еиԥш иҟоу аԥшьгара, Шәара, Сергеи Владилен-иҧа аамҭа  ҿыц иацныҟәо, рҿиаратәла зус иазнеиуа аполитикцәа шәыруаӡәкны шәҟарҵоит.

Аҭагылазаашьа схы иархәаны, гәык-ҧсык ала иҭабуп ҳәа шәасҳәарц сҭахуп аҧсны-урыстәылатәи аизыҟазаашьақәа рырӷәӷәараҟны шәлагаламҭазы, ишәзеиӷьасшьоит агәабзиара, агәамч, аихьӡара ҿыцқәа!».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org