Аҧсны Аҳәынҭқарра Ахада

 

Аслан Бжьаниа Башар Асад Шьамтәылатәи Арабтә Республика Ахада имаҵурахьы инеира идиныҳәалеит

17.07.2021

Аслан Бжьаниа Башар Асад Шьамтәылатәи Арабтә Республика Ахада имаҵурахьы инеира идиныҳәалеит

Аԥсны Аҳәынҭқарра Ахада Аслан Бжьаниа Башар Асад Шьамтәылатәи Арабтә Республика Ахада имаҵурахьы инеира идиныҳәалеит.

«Ҳаҭыр зқәу Ахада шәхацкы!

Ишәыдысныҳәалоит Шьамтәылатәи Арабтә Республика Ахада имаҵурахьы инеира.

Шәара ижәгаз аиааира алхҩцәа хаҭала Шәара, имҩаԥыжәго аусқәа, шәыгәҭакқәа рыгәра шырго атәы рҳәоит. Жәларызегьтәи абжьыҭара алҵшәақәа Шьамтәыла ажәлар Шәара шәнапхгарала атәыла аҭагылазаашьа иаарласны аҭышәынтәалареи аҳәынҭқарратә институтқәа рырӷәӷәареи рзы илху амҩа шазхарҵо аанарԥшит.  

Сара агәра згоит Шәара иаашәырԥшуа ахачҳара мчы змоу, ихьыԥшым, економикала иҭышәынтәалоу, адәныҟатәии аҩныҵҟатәии ашәарҭара аҿагылара зылшо аҳәынҭқарра аԥҵара шьаҭас иаиуеит ҳәа.    

Шьамтәылатәи Арабтә Республика аганахьала Аԥсны Аҳәынҭқарра азхаҵарала ҳажәларқәа рыбжьара иҷыдоу аизыҟазаашьақәа шьақәгылеит.

Ахада шәхацкы, ишәзеиӷьасшьарц сҭахуп шәнапы злаку имариам аус аҟны ишәымоу агәаӷьреи ахачҳареи рыбзоурала шәҿаԥхьа иқәгылоу ахықәкқәа – атәыла аизҳазыӷьара, ашәарҭадара алыршара, насыԥ аманы аҟаҵараҟны аихьӡарақәа.

Ҳаҭыр дула ишәзыҟоу Аслан Бжьаниа, Аԥсны Аҳәынҭқарра Ахада».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org