Аҧсны Аҳәынҭқарра Ахада

 

Аслан Бжьаниа: "Ахара зду анапхгаҩцәа хаҭала иахьырхәхоит"

12.07.2021

Аслан Бжьаниа: "Ахара зду анапхгаҩцәа хаҭала иахьырхәхоит"

Аԥсны Аҳәынҭқарра Ахада Аслан Бжьаниа имҩаԥигеит инарҭбааны аилатәара Ахада Иадминистрациа, Ашәарҭадара ахеилак, Аминистрцәа реилазаара, Апокуратура хада, Аҳәынҭқарратә Шәарҭадара Амаҵзура, Аҩныҵҟатәи аусқәа рминистрра, Иаку анаплакы «Амшынеиқәафымцамч» рнапхгара, аминистрцәа, ақалақьқәеи араионқәеи радминистрациақәа рхадацәа алархәны.  

Амш азҵаараҟны иқәгылан азҵаарақәа хԥа: изакәанымкәа акриптовалиута арҳара иаҿагыланы ақәԥара иазку аусмҩаԥгатәқәа; атуристцәа ршәарҭадара алыршара; короновирустә ҿкы чымазара аҿагылара иазку ауснагӡатәқәа.

«Иахьа заатәи аихшьалақәа ҟаҳҵоит, шәусура ахә ҳшьоит. Ҳара аҭакԥхықәра зцу аус ҳнапы иануп. Изакәанымкәа акриптовалиута арҳара азҵаара изныкымкәа ҳалацәажәахьеит. Аусмҩаԥгатәқәа жәпакы мҩаԥгоуп, аха ари азхаӡом,- иҳәеит Ахада.

АШӘА ахантәаҩы актәи ихаҭыԥуаҩ Ҭемыр Ахьиба аинформациа риҭеит ԥхынгәымза 4 инаркны 12 ирыбжьаку аамҭазы. Уи иааигаз арбагақәа рыла ԥхынгәымза 4 рзы иаарԥшуп иагьырбгоуп акриптовалиута арҳаразы амыругақәа 2450, ашьҭаҵарҭаҟны ишьҭоуп урҭ рахьтә 1816. Иҳәеит иара убас амаинингтә мыругақәа хазхаҭалатәи асекторқәа рыҟны рхархәара ишалагаз атәы.

Гал араион Администрациа ахада Константин Ԥлиа далацәажәеит акриптовалиута арҳаразы амыругақәа рымхразы аусмҩаԥгатәқәа ртәы.    
Аҳәынҭқарра Ахада агәынамӡара ааирԥшит абри аганахьала Тҟәарчал араион Администрациа аусуразы. Аҵыхәтәантәи аамҭазы ара иаарԥшын 600 инареиҳаны аппарат.

Бжьаниа Иаку анаплакы «Амшынеиқәафымцамч» адиректор хада  М. Логәуа идиҵеит Тҟәарчалтәи Афымцастанциа анапхгаҩы имаҵура ихы иақәиҭтәра.  
Ахада Иадминистрациа Анапхгаҩы Алхас Кәыҵниеи аԥыза-министр Александр Анқәаби ирыдиҵеит амчыбжь нҵәаанӡа изакәаным амаининг азҵаара ианамаданы аилацәажәара мҩаԥганы хаҭала ахара зду рышьақәыргылара.  

Ирбгоу амаининг мыругақәа рышьҭаҵарҭа аҭыԥ ахьчара азҵаара Ахада Дмитри Дбар инапы ианиҵеит. Иара убас Ахада Аҩныҵҟатәи аусқәа рминистрра ирыдиҵеит даҽа шьҭаҵарҭак аиҿкаара.

  Аслан Бжьаниа иаҵшьны иҳәеит амаинингтә мыругақәа раарԥшразы аусура ишацҵахо, ахара зду анапхгаҩцәа хаҭала ишахьырхәо.  
Атуризм аминистр Ҭемраз Хышбеи Иҷыдоу аҭагылазаашьақәа рзы аминистр  Лев Кәыҵниеи аилацәажәара иалахәыз адырра рырҭеит аԥсшьарҭа ҭыԥқәа рыҟны атуристцәа ршәарҭадара шеиҿкаау азы.  

Агәабзиарахьчара аминистр Едуард Быҭәба иҳәеит COVID-19 инамаданы аҭагылазаашьа шыуадаҩу атәы. Уи иҳәеит авирус иаҿагыланы ақәԥаразы хымԥада иаҭаху аамҭалатәи ауснагӡатәқәа ртәы.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org