Ахада азинхьчаратә усбарҭақәа рхаҭабзиара аиӷьтәразы ауснагӡатәқәа разырхиара иазку аусуратә гәыԥ изаамҭанытәиу аилатәара мҩаҧигеит

  Ахада азинхьчаратә усбарҭақәа рхаҭабзиара аиӷьтәразы ауснагӡатәқәа разырхиара иазку аусуратә гәыԥ изаамҭанытәиу аилатәара мҩаҧигеит

Аҧсны Аҳәынҭқарра Ахада Аслан Бжьаниа Ахада азинхьчаратә усбарҭақәа рхаҭабзиара аиӷьтәразы ауснагӡатәқәа разырхиара иазку аусуратә гәыԥ изаамҭанытәиу аилатәара мҩаҧигеит.

Ари аԥхьа иалкааз азгәаҭақәа ҳасаб рзуны Ахада идыргалеит азинхьчаратә усбарҭақәа рсистема аҧсахрақәа ралагаразы аусуратә гәыҧ иҟанаҵаз ажәалагалақәа.

Аҳәынҭқарра Ахада инаҵшьны иазгәеиҭеит, зырхиара иаҿу аҧсахрақәа амчратә еилазаарақәа русура ахаҭабзиара аиӷьтәра шьаҭанкыла анырра анаҭароуп, азинтә леишәеи ҳтәылауаа рзинқәа  рыхьчара арӷәӷәареи иацхраароуп ҳәа.

Иаарласны аусуратә гәыҧ иазнархиаз азинхьчаратә усбарҭақәа рыҟны аиҭакрақәа ирызку апроект ауаажәларра ирыдгалахоит.

Аилатәара иалахәын Ахада Иадминистрациа Анапхгаҩы Аслан Кәыҵниа, Ашәарҭадара Ахеилак Амаӡагыҟәгаҩ Сергеи Шамба, Иреиҳаӡоу Аӡбарҭа ахантәаҩы Манана Делба, Апрокурор хада Адгәыр Агрба,  Аҳәынҭқарратә шәарҭадара амаҵзура Ахантәаҩы Роберт Киут, Аҩныҵҟатәи аусқәа рминистр Дмитри Дбар.

Ас еиҧш иҟаз аилатәара мҩаҧысхьан уажәаԥхьа рашәарамза 21 рзы.


Возврат к списку