Аҧсны Аҳәынҭқарра Ахада

 

Ахада ашәҟәыҩҩы Владимир Делба «Ахьӡ-Аԥша» аорден III аҩаӡара ианашьаразы Аусԥҟа инапы аҵаиҩит

25.06.2021

Ахада ашәҟәыҩҩы Владимир Делба «Ахьӡ-Аԥша» аорден III аҩаӡара ианашьаразы Аусԥҟа инапы аҵаиҩит

Аҧсны Аҳәынҭқарра Ахада Аслан Бжьаниа алитературеи аҟазареи рыҟны илшамҭақәа рзы, гәацԥыҳәаралатәи ауаажәларра-политикатә усуразы "Ахьӡ-Аҧша” аорден III аҩаӡара ианеишьеит ашәҟәыҩҩы Владимир Делба.

Ахада ашәҟәыҩҩы ирҿиаразы иҭабуп ҳәа иеиҳәеит.

"Шәара исахьарку ажәала аурыс аԥхьаҩцәа рзы Аҧсни аҧсуа жәлари иахьырзеиҭашәҳәо азы иҭабуп ҳәа шәасҳәоит. Владимир Михаил-иҧа, ишәзеиӷьасшьоит агәабзиара, агәамч, аҧхьаҟагьы аихьӡарақәа" ,- иҳәеит аҳәынҭқарра Ахада.

Владимир Делба иганахьала Ахада иҭабуп ҳәа иеиҳәеит ианеишьаз аҳәынҭқарратә ҳамҭа ҳаракы азы, агәра ииргеит аҧхьаҟагьы ирҿиарала ҳ-Аҧсадгьыл ишӡыригало азы.

Ашәҟәыҩҩы Ахада ҳамҭас ииҭеит ишәҟәқәа.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org