Ахада азинхьчаратә усбарҭақәа рсистема аиҭакра иазкыз аилацәажәара мҩаԥигеит

Ахада азинхьчаратә усбарҭақәа рсистема аиҭакра иазкыз аилацәажәара мҩаԥигеит

Аҧсны Аҳәынҭқарра Ахада Аслан Бжьаниа аилацәажәара мҩаҧигеит Ахада Иадминистрациа Анапхгаҩы Алхас Кәыҵниа, Ашәарҭадара Ахеилак Амаӡаныҟәгаҩ Сергеи Шамба, Апрокурор хада Адгәыр Агрба, Аҳәынҭқарратә Шәарҭадара Амаҵзура Ахантәаҩы Роберт Киут, Аҩныҵҟатәи аусқәа рминистр Дмитри Дбар алархәны.

Аиҧылараҟны ирылацәажәан азинхьчаратә усбарҭақәа рсистема аиҭакрақәа рзы азинхьчаратә усбарҭақәа русура алҵшәақәа реиӷьтәазы аусуратә гәыҧ иазнархиаз ажәалагалақәа.

Аиҧылараҟны ирзааҭгылан иара убас ахылҟьа-ҿылҟьақәа змаз ацәгьоурақәа.рыҭҵаарақәа рымҩаԥысшьа.

Апрокурор хада, Аҳәынҭқарратә Шәарҭадара Амаҵзура Ахантәаҩы, Аҩныҵҟатәи аусқәа рминистр Аҳәынҭқарра Ахада изеиҭарҳәеит иазгәаҭоу ацәгьоурақәа раарҧшразы уснагӡатәқәас имҩаԥырго атәы.  


Возврат к списку