Аҧсны Аҳәынҭқарра Ахада

 

Ахада Аԥсны агәабзиарахьчара асистема аусзуҩцәа рзанааҭтә ныҳәа рыдиныҳәалеит

20.06.2021

Ахада Аԥсны агәабзиарахьчара асистема аусзуҩцәа рзанааҭтә ныҳәа рыдиныҳәалеит

Аԥсны Аҳәынҭқарра Ахада Аслан Бжьаниа Аԥсны агәабзиарахьчара асистема аусзуҩцәа рзанааҭтә ныҳәа рыдиныҳәалеит:

«Ҳаҭыр зқәу Аԥсны агәабзиарахьчара асистема аусзуҩцәа!  

Ишәыдысныҳәалоит шәзанааҭтә ныҳәа- Амедицинатә усуҩы имш.  
  
Шәара шәзанааҭ иаҭахуп ахамеигӡара аҵыхәанӡа, адырра ҵаулақәа, ауаҩытәҩсатә ҟазшьа ҷыдақәа, аџьа абзиабара ду. Шәара есҽны ауаа ирышәҭоит агәыӷра, ргәабзиара еиҭашьақәшәыргылоит, еиқәшәырхоит.  

Ҩышықәса ҵуеит шьҭа тәамҩахә ҟамҵа, адунеи зегьы зымҽхазкыз ачымазара хәымга шәаҿагылоижьҭеи. Шәара шәыпрофессионализм, шәгәымшәара, иаашәырԥшуа ахамеигӡара ирыбзоураны зқьыла ҳауаажәлар реиқәырхара шәылшеит. Иҭабуп ҳәа шәаҳҳәоит иалышәхыз шәзанааҭ шәгәы ацәкамыжькәа ижәбо аџьабаазы, ишәымоу ачҳаразы.

Атәыла анапхгара ҷыдала хылаԥшра анаҭоит агәабзиарахьчара асистема, аматериалтә техникатә еиқәыршәара аиӷьтәра, аквалификациа змоу аспециалистцәа разыҟаҵара.

Акыр иаԥсоу амедицина аусзуҩцәа, шәзанааҭтә ныҳәа амш аҽны ишәзеиӷьасшьарц сҭахуп агәабзиара, агәамч, аихьӡарақәа шәнапы злаку аус аҟны.

Аҭынчреи аизҳазыӷьареи рыгымзааиит шәыҩнаҭақәа!».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org