Аҧсны Аҳәынҭқарра Ахада

 

Ахада амедицинатә усзуҩы имш аламҭалазы Аҧсны агәабзиарахьчара асистема аусзуҩцәа аҳаҭыртә хьыӡқәа рыхҵаразы Аусҧҟақәа инапы рыҵаиҩит

20.06.2021

Аҧсны Аҳәынҭқарра Ахада Аслан Бжьаниа Аҧсны агәабзиарахьчара асистема аусзуҩцәа гәыҧҩык рзанааҭтә ныҳәа амш аламҭалазы аҳаҭыртә хьыӡқәа рыхҵаразы Аусҧҟақәа инапы рыҵаиҩит.

Короновирустә ҿкы чымазара COVID-19 алаҵәара иаҿагыланы ақәԥараҟны   рлагаламҭазы, рыпрофессионализм ҳаракы азы Аҧсны Аҳәынҭқарра Ахада Иусҧҟала "Аҧсны  Аҳәынҭқарра зҽаҧсазтәыз аҳақьым" ҳәа аҳаҭыртә хьӡы рыхҵоуп:

ҶАНБА Инга  Виқтор-иҧҳа - Гәдоуҭа ақ. Асанитартә-епидемиологиатә станциа аҳақьым хада;
ҲАЛБАД Нонна Виқтор-иҧҳа – Ақалақьтә усбарҭа «Гәдоуҭатәи араионтә хәышәтәырҭа хада» аҳақьым-анеонатолог;
ЦАРГӘЫШ Ельвира Владимир-иҧҳа – Ақалақтә усбарҭа «Гәдоуҭатәи араионтә хәышәтәырҭа хада» аҳақьым-аневролог.

Ахада Иусҧҟала агәабзиарахьчара асистемаҟны акыршықәсалатәи ламысцқьала русуразы "Аҧсны Аҳәынҭқарра зҽаҧсазтәыз амедицина аусзуҩы" ҳәа аҳаҭыртә хьӡы рыхҵоуп:

КОНЏЬАРИА Галина Уасил-иҧҳа - Пицундатәи ақалақьтә хәышәтәырҭа арентген-лаборант;
ХАРИНА Лидиа Григори-иҧҳа - Пицундатәи ақалақьтә хәышәтәырҭа афельдшер-лаборант;
КӘЫХТИНА Антонина Николаи-иҧҳа – афельдшер, Пицундатәи ақалақьтә хәышәтәырҭа ацхыраара ласы адиспетчер.

Аҳәынҭқарра Ахада Иусԥҟала, агәабзиарахьчара аусхк аҟны рылшамҭақәеи  шықәсырацәалатәи ламысцқьала русуразы «Аԥсны Аҳәынҭқарра зҽаԥсазтәыз амедицинатә усзуҩы» ҳәа аҳаҭыртә хьӡы рыхҵоуп:

АБЫХӘБА Ада Фираҭ-иԥҳа – Аҟәа ақ. администрациа Агәабзиарахьчара аусбарҭа Аҟәатәи ақалақьтә хәыҷтәы поликлиника аҳақьым-апедиатр,аҳақьым хада;
МИХАИЛОВА Инесса Алеқсеи-иԥҳа – Аҟәа ақ. администрациа Агәабзиарахьчара аусбарҭа Аҟәатәи ақалақьтә аҳәыҷтәы поликлиника аҳақьым аҳақьым-окулист;
ԤИԤИА Инга Шалва-иԥҳа – АА Агәабзиарахьчара аминистрра Ақалақьтә усбарҭа «Ареспубликатә хәышәтәырҭа» адатә хирургиеи антиологиеи рыҟәша аҳақьым;
СНИАДА Еҭери Рафаел-иԥҳа – Аҟәа ақ. администрациа Агәабзиарахьчара аусбарҭа Аҟәатәи ақалақьтә поликлиника аҳақьым аҳақьым-окулист;
САРСАНИА Есма Николаи-иԥҳа – Аҟәа ақ. администрациа Агәабзиарахьчара аусбарҭа Аҟәатәи ақалақьтә поликлиника аҳақьым- оториноларинголог;
ҬАРБА Лиудмила Савлак-иԥҳа – Аҟәа ақ. администрациа Агәабзиарахьчара аусбарҭа Аҟәатәи ақалақьтә хәыҷтәы поликлиника аҳақьым-апедиатр;
ЧАКЛОВА Олимпиа Илиа-иԥҳа – Аҟәа ақ. администрациа Агәабзиарахьчара аусбарҭа Аҟәатәи ақалақьтә хәыҷтәы поликлиника аҳақьым-апедиатр;
ЧАКРИАН Арутиун Галуст-иԥа – Аҟәа ақ. администрациа Агәабзиарахьчара аусбарҭа Аҟәатәи ақалақьтә поликлиника №3 аҳақьым-ауролог;

Аԥсны Аҳәынҭқарра Ахада Аслан Бжьаниа Иусԥҟала, короновирустә ҿкы чымазара COVID-19 алаҵәара иаҿагыланы ақәԥараҟны илагаламҭазы, шықәсырацәалатәи ламысцқьала лусуразы «Аԥсны Аҳәынҭқарра зҽаԥсазтәыз амедицинатә усзуҩы» ҳәа  аҳаҭыртә хьӡы лыхҵоуп:

АРГӘЫН Галина Иван-иԥҳа,  Гәдоуҭа ақ. Асанитартә-епидемиологиатә станциа асанитартә ҳақьым ицхырааҩ.





Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org