Аҧсны Аҳәынҭқарра Ахада

 

Ахада афымцамч аҭагылазаашьа иадҳәалоу актуалра змоу азҵаарақәа ирызкны аиҧылара мҩаҧигеит

16.06.2021

Ахада афымцамч аҭагылазаашьа иадҳәалоу актуалра змоу азҵаарақәа ирызкны аиҧылара мҩаҧигеит

Аҧсны Аҳәынҭқарра Ахада Аслан Бжьаниа аиҧылара мҩаҧигеит афымцамч аҭагылазаашьа иадҳәалоу актуалра змоу азҵаарақәа ирызкны.

"Ари аусхк аҟны ауадаҩрақәа рацәоуп. Иҟоу аҭагылазаашьа, насгьы иахәҭоу аусқәа рынагӡара ҳахаҵгыларц, ҳаҧхьаҟа иааиуа ҭагалани аӡынреи ҵыҧхтәи еиҧшымхарц азы иҟаҵатәу  ҳалацәажәар сҭахуп. Ари имариам зҵаароуп. Ииашаны ҳазнеироуп уи аӡбара,"- иҳәеит Ахада, инарҵауланы азҵаарақәа рылацәажәара иадԥхьаланы.
Аилацәажәараан аҳәынҭқарра Ахада адырра ирҭеит ҳазҭагылоу аамҭазы афымцамч ахархәареи афымцамч адефицит азы ицәырҵыр зуа ашәарҭареи ртәы.
  
Ахада Аԥыза-министр Алеқсандр Анқәаб инапы ианиҵеит афымцамч азҵаарақәа хылаԥшра рзуреи акадртә зҵаарақәа рзы иақәнагоу ауснагӡатәқәа рымҩаԥгареи. «Шәара ишәыҵанакуа анапхгаҩцәа рганахьала иаҭахуп ҳәа ишәыԥхьаӡо ауснагӡатәқәа шәхы иашәырхәа. Сара арепрессиақәа срыдгылаҩуп ҳәа акәӡам, аха аусура злымшо имаҵура дамхтәуп», - иҳәеит аҳәынҭқарра Ахада.

Аилацәажәара иалахәын Ахада Ихаҭыҧуаҩ Бадра Гәынба, Ахада Иадминистрациа Анапхгаҩы Алхас Кәыҵниа, Аҧсны Жәлар Реизара Аиҳабы Валери Кәарҷиа, Аҧыза-министр Алеқсандр Анқәаб, аиҳабыра алахәцәа, «Амшынеиқәафымцамч» анапхгаҩы, Апрокуратура хада, Аҩныҵҟатәи аусқәа рминистрра, Иреиҳаӡоу аӡбарҭа рнапхгаҩцәа, ареспублика ақалақьқәеи араионқәеи радминистрациақәа рхадацәа.



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org