Аҧсны Аҳәынҭқарра Ахада

 

Ахада "Аԥсны аԥеиԥш" аԥҵара иазкыз аизара ду аҟны иқәгылара

14.06.2021

Ахада "Аԥсны аԥеиԥш" аԥҵара иазкыз аизара ду  аҟны иқәгылара

Аҧсны Аҳәынҭқарра Ахада Аслан Бжьаниа  асоциалтә платформа «Аԥсны аԥеиԥш» аԥҵара иазкны имҩаԥысыз аизара ду далахәын.

Аҧсны Аҳәынҭқарра Ахада Аслан Бжьаниа асоциалтә платформа «Аԥсны аԥеиԥш» аԥҵара иазкны имҩаԥысыз аизара ду далахәын.
Аусмҩаҧгатә иалахәызи асасцәеи аҧсшәа раҳәо, Аҳәынҭқарра Ахада, ҷыдала, иҳәеит:

"Акыр иаԥсоу Аҧсны асасцәа, ҳауаажәлар! Сара сзы гәахәара дууп иахьа абра сахьшәыцу!

Иҳаҩсыз ашықәс аҩныҵҟала апроект "Аҧсны аԥеиԥш" ҳтәыла ахьынӡанаӡааӡо еиуеиԥшым араионқәа рыҟнытә абаҩхатәра змоу, згәы еицҳауа, аԥшьгаратә хәыцра змоу аҿар зыдзыԥхьало ҭыҧны иҟалеит.
Ари ацентр Аԥсны иқәынхо арԥарцәеи аҭыԥҳацәеи хаҭалатәии рыпрофессионалтәии лшарақәа рырҿиара хықәкыс измоу аусмҩаԥгатәқәа еиҿнакаауеит.
Ҳара ҳҿар аусеицуреи ихырҳагоу аидеиақәа реимдареи рус аҟны рԥышәа еизырҳалатәуп.
  Сара агәра згоит, "Аҧсны аԥеиԥш"  гәацԥыҳәарала аус зуа, зҟыбаҩ бзиоу, гәыкала аинтерес зҵоу, аҵакы змоу аидеиақәа ныҟәызго, алҵшәа бзиа аиура иашьҭоу аҿар реиҿцаара, реигәныҩразы иаҭахны иҟалаз еиҿкаароуп ҳәа.
Сгәы иаанагоит, ас еиҧш ибеиоу апрограммеи алахәцәа реилазаареи рыла иахьатәи аусмҩаҧгатә аҵакы змоу, адискуссиатә ҟазшьа змоу аиҿцәажәарҭатә ҭыԥк аҳасабала иҟалеит ҳәа, ҳҳәынҭқарра аҳаҭыр ашьҭыхрагьы иацхраауеит ҳәа.  
  
Аквалификациатә зыҟаҵара иахысыз аспециалистцәа, аҧышәа змоу аҿар рзы сара Аусҧҟа снапы аҵазҩит "Аҧсны Аҳәынҭқарра акадртә резерв " аҧҵаразы.
Ари аҿар еиуеиҧшым аҩаӡарақәа рыҟны анапхгаратә система радҧхьалара иацхраауа аҿар ирызку арбагақәа рбаза акәны иҟалоит.    

Ҳаҭыр зқәу аҩызцәа!  Ишәзеиӷьасшьоит хаҭа-хаҭала зегьы аиҩызаратә еиҿцаареи арҿиареи аспорти рыҽрылархәреи рзы аамҭа аҧшаареи анаҩс шәыбжьара агәалаҟара бзиа аимдареи.

Аҧсны анапхгара аҿаԥхьа уснагӡатәны иқәнаргылоит абаҩхатәра злоу аҿар рыҧсадгьыл аҿы, Аҧсны аихьӡарақәа рымазарц азы аҭагылазаашьақәа раԥҵара.
Ари ахықәкы анагӡаразы абаҩхатәрақәа змоу аҿар ралҧшаара иазку ас еиҧш иҟоу аҧшьгарақәа адгылара раҳҭоит. Аплатформа аусура иалахәымзаргьы, даҽа форматқәак рыҟны аихьӡарақәа аадырҧшуазаргьы ҟалоит урҭ.

Ҳара ҳҿар ҳрықәгәыӷуеит, Аҧсны ҧеиҧшс иамоугьы дара роуп!

Алҵшәа бзиа змоу аусуреи шәнапы злашәкуа аусқәа зегьы рыҟни аихьӡарақәа шәзеиӷьасшьоит!».



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org