Аҧсны Аҳәынҭқарра Ахада

 

Ахада аԥсшьаҩцәа рыхәра инамадны аилацәажәара мҩаԥигеит

15.06.2021

  Ахада аԥсшьаҩцәа рыхәра инамадны аилацәажәара мҩаԥигеит

Аҧсны Ахада Аслан Бжьаниа аилацәажәара мҩаҧигеит ааигәа Пицунда аҧсшьаҩцәа рыхәра инамаданы иҟалаз ахҭыс иазкны.

Асасцәа рганахьала иҟаҵоу ацәгьоура ҳреспублика аганахьала ацәгьоура ҟаҵазар иаҩызоуп, иҳәеит аҳәынҭқарра Ахада.

Ахада азинхьчаратә усбарҭақәа ирыдиҵеит ацәгьауҩы азакәан ишаҳәо еиԥш аҭакԥхықәра идҵаразы иақәнагоу ауснагӡатәқәа зегьы рымҩаԥгара.

Аслан Бжьаниа адҵа ҟаиҵеит атуристцәа ршәарҭадара ахылаԥшра иазку ауснагӡатәқәа рырӷәӷәара. Ахада Аҩныҵҟатәи аусқәа рминистрра иадиҵеит атуристтә обиект дуқәа лыҵшәа аманы аус зуа ашәарҭадара амаҵзуреи авидиеонаԥшратә камереи рыҟазаареи инадҳәаланы агәаҭара амҩаԥгара.
́
Аслан Бжьаниа Гагра араиони Пицунда ақалақьи амилициа аҟәшақәа рнапхгаҩцәа ргәырҽаниҵеит арегион аҟны акриминогентә ҭагылазаашьазы хаҭалатәи аҭакԥхықәра шрыдҵахо азы.  

Ацәгьоура иазкны имҩаԥгаз аилацәажәара аусура иалахәын Аҧыза-министр Алеқсандр Анқәаб, Ахада Иадминистрациа Анапхгаҩы Алхас Кәыҵниа, Ашәарҭадара амаҵзура Амаӡаныҟәгаҩ Сергеи Шамба, Апрокурор хада Адгәыр Агрба, Аҩныҵҟатәи аусқәа рминистр Дмитри Дбар, Аҳәынҭқарратә шәарҭадара амаҵзура Ахантәаҩы Роберт Киут, Гагра араион  азинхьчаратә усбарҭақәа рнапхгаҩцәа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org