Аҧсны Аҳәынҭқарра Ахада

 

Ахада усуратә визитла Гәылрыҧшь араион даҭааит

11.06.2021

Аҧсны Аҳәынҭқарра Ахада Аслан Бжьаниа усуратә визитла Гәылрыҧшь араион даҭааит.

Аҳәынҭқарра Ахада 2014 шықәсазы иргылаз ацқьа Николаи Аџьашьахәрҿиаҩы иныхабаа даҭааит. Ара аныхабааҟны аус ауеит Аиашахаҵаратә центр “Елисавета”.

Аныха ахылаҧшҩы Елисавета Ахада изеиҭалҳәеит аныхеи Ацентри русура ртәы.

Аиҧылараҟны иазгәаҭан аныхабаа аныхачаҧақәа зегьы ақаруа ишалху. Ахада ҳамҭас ирҭеит ацқьа Александр Неватәи иныхачаҧа.

Иара убас Аслан Бжьаниа даҭааит асахьаҭыхратә салон. Асалон аҟны ицәыргоу аусумҭақәа зегьы авторцәас ирымоуп аныхабаа амаҵзуҩцәа.  

Аҳәынҭқарра Ахада днеины ибеит иара убас аспорттә комплекс «Агәыӡера». Ари амҵәышәмпыл, анапылампыл, аеллин-аурымтә қәҧара, абокс, акарате рзы аҽазыҟаҵарақәа ахьымҩаҧысуа иуниверсалтәу спорттә залуп. 2019 ш. раахыс акомплекс ахәҭак ашьапылампылтә клуб «Жәба» қьырала хархәара анаҭоит.

Аслан Бжьаниа аспортсменцәа ҿарацәа ирымоу аихьӡарақәа, аҧхьаҟатәи русқәа дрызҵааит. Аклуб азыҟаҵаҩцәа Александр Тарасови Иулиа Котовшьиковеи аклуб аусура иалацәажәеит, иазгәарҭеит ҷыдала абаҩхатәра змоу ахәыҷқәа, анаҩс Ахада ахәмаррахь ааҧхьара ирҭеит.  

Аҳәынҭқарра Ахада ҿыц игыло абиҧарақәа рзы абаҩрҵәыратә культура аҿиара иамоу аҵакы азгәаҭо, иҳәеит иибаз, иаҳаз агәахәара ширҭаз.



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org