Аҧсны Аҳәынҭқарра Ахада

 

Ахада Хьыбла Гьерзмаа УА Аҳәынҭқарратә премиа ланашьара лыдиныҳәалеит

09.06.2021

Ахада Хьыбла Гьерзмаа УА Аҳәынҭқарратә премиа ланашьара лыдиныҳәалеит

Аԥсны Аҳәынҭқарра Ахада Аслан Бжьаниа Хьыбла Гьерзмаа 2020 шықәсазтәи Урыстәылатәи Афедерациа аҳәынҭқарратә премиа ланашьара лыдиныҳәалеит.

Адныҳәаларатә текст аҟны иҳәоуп:

"Ҳаҭыр зқәу Хьыбла Леуарса-иҧҳа!

Гәык-ҧсык ала ишәыдысныҳәалоит алитературеи аҟазареи рыҟны иналукааша аихьӡарақәа рзы ишәанашьахаз 2020 шықәсазтәи Урыстәылатәи Афедерациа аҳәынҭқарратә премиа.

Зеиԥш маҷу Шәара шәыбжьы, шәбаҩхатәра ду, ишәылоу аџьа абзиабара, шәыҧшӡара ахәаҧшцәа аршанхоит, рыбзиабара арҿыхоит.
Аҳәынҭқарратә ныҳәа хада амш аҽны Урыстәыла Ахада инапы аҟынтә иреиҳаӡоу аҳәынҭқарратә ҳамҭақәа ируаку ахьшәанашьахаз  Урыстәылеи адунеизегьтәи аопертә ҟазара аҿиараҟны шәылшамҭа дуқәа разхаҵара иазҳәоуп.

Аҧсны жәлар Шәара ишәызгәыдууп, бзиа шәырбоит, шәыдгьыл гәакьаҿ еснагь ишәзыҧшуп.
Афестиваль "Хьыбла Гьерзмаа шәаалыҧхьоит..." зеиӷьыҟам агәалаҟазаара ҳазҭо Аҧсны акультуратә хҭыс хадақәа ируакхеит, ҳтәыла ахьӡ-аԥша шьҭнахуеит, иӡырнагоит.

Акыр иаԥсоу, Хьыбла Леуарса-иҧҳа, ишәзеиӷьасшьоит агәабзиара, агәамч, аизҳазыӷьара, аихьӡара ҿыцқәа".


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org